სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    რეზონანსი
    12.01.2019

     ექიმი ანანო ქავთარაძე სამედიცინო ნიღბებთან დაკავშირებით საინტერესო ინფორმაციებს ავრცელებს:

    ნახევარი ქალაქი დადის ნიღბებით, დეფიციტია და ლამისაა აქციები დაიწყოს ნიღბების მოთხოვნით. ამ დროს:

    - ის, რასაც თქვენ იყენებთ უხშრესად, არის ე.წ ქირურგიული ნიღაბი.

    - გრიპის სეზონზე ნიღბის ქუჩაში ტარებას დიდი აზრი არ აქვს, სწრაფად კონდენსირდება და გამოყენებისათვის უვარგისი ხდება.

    - უნდა გამოიცვალოთ დანოტივებისთანავე, ან 2-3 სთ-ში ერთხელ.

    - აღნიშნული ნიღაბი ინფიცირებული(ან პოტენციურად ინფიცირებული) ადამიანისგან იცავს სხვებს.

    - ჯანმრთელი ადამიანების მიერ მის გამოყენებას შესაძლებელია ჰქონდეს მექანიკური დაცვის მომენტი, ვინაიდან ნაკლებად იკიდებთ ხელს ცხვირ-ტუჩს არეში. გიცავთ შედარებით დიდი ზომის ნაწილაკებისგან, მაგრამ ის ატარებს მცირე ზომის ნაწილაკებს.

    - მრავალი კვლევის თანახმად, დამოუკიდებლად, მხოლოდ ნიღბის გამოყენება არ ამცირებს ავადობის რისკს, აუცილებლად უნდა დავიბანოთ ხელები ხშირად, თბილი წყლითა და საპნით. კომბინაცია ამცირებს ავადობის რისკს, მათ შორის ინფიცირებული ოჯახის წევრის შემთხვევაში.

    - 0. 3 მიკრონზე ნაკლები ზომის ნაწილაკებს არ ატარებს ნიღაბი N95. შესაბამისად მას მეტად აქვს ჯანმრთელი ადამიანის დაცვის ფუნქცია, თუმცა არა სრულყოფილი.

    - ქირურგიული ნიღბის მოხმარების მხოლოდ 1 სწორი გზა არსებობს: ცისფერი (ან სხვა ფერადი) ზედაპირი გარეთ. თუ ორივე მხარე თეთრია, აუცილებლად ნახავთ ნიშნულს, საით უნდა იყოს მიმართული ესა თუ ის მხარე.

    - თეთრი და ფერადი მხარე, რომ თითქოსდა სიგნალია, დაავადებულს უკეთია თუ ჯანმრთელს, მითია! არანაირი მსგავსი სიგნალი, ნიშანი, ინდიკატორი არ არსებობს.

    -  ნიღაბი უნდა ფარავდეს როგორც პირს, ასევე ცხვირის ნესტოებს სრულად!

    - მიიღეთ ადკვატური რაოდენობის სითხე, იძინეთ კარგად, იკვებეთ ჯანსაღად, ხშირად გაანიავეთ ოთახი, ნუ ივლით თავშეყრის ადგილებში. სიმპტომების გამოვლენის შემთხვევაში მიმართეთ ოჯახის ექიმს/პედიატრს.

    და კიდევ:

    - ბანანით არც გრიპის ვირუსი შეგეყრებათ და არც შიდსის.

    - ბორის მჟავა, წყალბადის ზეჟანგი, სოდა და ძმანი მათნი ვერც დაგიცავენ ვირუსისგან და ვერც გიმკურნალებენ.

    - შესაბამისად, მოეშვით თვიშემოქმედებას.

    - ვაქცინაცია (არც გრიპის და არც სხვა) აუტიზმს არ იწვევს! მომავალ წელს მაინც აიცერით!

    ლიცენზია
    დატოვე კომენტარიკომენტარები (0)
    ჩაწერა სახელი

    Copyright © 2006-2019 by Resonance ltd. . All rights reserved