სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    რეზონანსი
    22.04.2019

     „დაიცავი საქართველოს" ლიდერი დათო მაღრაძე პანკისში განვითარებულ მოვლენებთან დაკავშირებით განცხადებას ავრცელებს. „ინტერპრესნიუსი" განცხადებას უცვლელად გთავაზობთ:

    „გუშინ, 21 აპრილს, პანკისის ხეობაში მოსახლეობასა და სპეცრაზმს შორის შეტაკებამ კიდევ ერთხელ ცხადყო, რომ საქართველოს დღევანდელი ხელისუფლება მსგავსად წინა ხელისუფლებისა, არ იცნობს კავკასიას, არ იცნობს საქართველოს, არ იცნობს ჩვენს ისტორიას, კავკასიელ ხალხთა კულტურის ისტორიას, არ იცნობს საუკუნეების მანძილზე ჩამოყალიბებულ მთისა და ბარის ტრადიციებს.

    ჩვენი ამჟამინდელი ხელისუფლება იცნობს მისივე შექმნილ „სამართლიანობის" ახალ თეორიას, რომელიც რადიკალურად განსხვავდება კაცობრიობის ისტორიაში დამკვიდრებული მორალური კრიტერიუმებისაგან და რომელიც „ოცნების" ლიდერებს სურთ თავს ძალით მოახვიონ მთელ საქართველოს.

    ხელისუფლება საზოგადოებასთან კონსენსუსის მისაღწევად დროსა და ენერგიას არ ხარჯავს და შეუთანხმებლობის შემთხვევაში უპირატესობას ძალისმიერ ქმედებას ანიჭებს. ამის მაგალითია საყდრისი, ამის მაგალითია მოსამართლეების შერჩევის მთელი პროცესი და ამის მაგალითია პანკისის ხეობაში სისხლიანი დაპირისპირება.

    ზემოთქმულის გამო, მინდა განვაცხადო, რომ თუ ხელისუფლება მოსახლეობასთან დაპირისპირებით გააგრძელებს თავის საქმიანობას, სიტუაცია, ვფიქრობ, უფრო გამძაფრდება და ჩვენი მონაპოვარი - ხელისუფლების არჩევნების გზით ცვლილება, შესაძლოა, ეჭვქვეშ დადგეს, რაც საქართველოს ინტერესში ნამდვილად არ არის", - აცხადებს დათო მაღრაძე.

     

    ლიცენზია
    დატოვე კომენტარიკომენტარები (1)
    ჩაწერა სახელი
    მარინა   (23.04.2019)
    ბატონო დავით,ასი პროცენტით მართალი ბრძანდებით, ხელისუფლებას და ხალხს შორის ხიდი დიდი ხანია ჩატეხილია და უფსკრული უფრო ღრმავდება.გაიღვიძე ერო და ბერო თორემ საქართველო აღარ გვექნება.


    Copyright © 2006-2019 by Resonance ltd. . All rights reserved
    ×