სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    რეზონანსი
    23.05.2019

     (რეზონანსი) პატიმრობაზე დათანხმება არ ნიშნავს, რომ ის ჩადენილ დანაშაულს აღიარებს, - ამის შესახებ შვიდი თვის შვილის მკლელობის ბრალდებით დაკავებული არასრულწლოვანი გოგონას ადვოკატმა ქეთევან გაგოევმა სასამართლო სხდომის დასრულების შემდეგ განაცხადა, რომელზეც ბრალდებულ გოგონას 2 თვიანი წინასწარი პატიმრობა შეეფარდა.

    დაცვის მხარის ადვოკატის თქმით, ისინი პატიმრობას ბრალდებულის ინტერესებიდან გამომდინარე დათანხმდნენ.

    „დაცვის მხარეს განსხვავებული პოზიცია არ ჰქონია და ჩვენ დასაცავ პირთან შეთანხმებით, დავეთანხმეთ პატიმრობის გამოყენებას. ჩვენ შევთანხმდით დასაცავ პირთან და ჩავთვალეთ, რომ ამ ეტაპზე ასე არის მისთვის საჭირო",-აცხადებს ადვოკატი ქეთევან გაგოევი.

    ამასთან, ბრალდებული არასრულწოვანი გოგოს ადვოკატი ამბობს, რომ ექსპერტიზის ნაწილი ჩატარებულია და ისინი ელოდებიან დამატებითი ექსპერტიზის ჩატარებას.

    რაც შეეხება კითხვას, არასრულწლოვანი გოგო რაიმე სახის საფრთხეს ხომ არ გრძნობდა და ამიტომ ხომ არ არჩია პატიმრობაში დარჩენა, ადვოკატი პასუხობს, რომ მას ბრალდებულთან აღნიშნულზე არ უსაუბრია და ინფორმაცია არ აქვს.

    მისივე თქმით, მას არასრულწლოვანმა გოგონამ მხოლოდ ის უთხრა, რომ ამ ეტაპზე დუმილის უფლების გამოყენება და პატიმრობაზე თანხმობა ურჩევნია და მიზეზი არ განუმარტავს.

    7 თვის შვილის მკვლელობაში ბრალდებულ გოგონას გორის რაიონულმა სასამართლომ აღკვეთის ღონისძიების სახით პატიმრობა შეუფარდა. საქმეზე წინასასამართლო სხდომა 28 ივნისს, 14:00 საათზე ჩაინიშნა.

     

    ლიცენზია
    დატოვე კომენტარიკომენტარები (1)
    ჩაწერა სახელი
    კოტე   (23.05.2019)
    მალე გიჟს გახდიან ალბათ.


    Copyright © 2006-2019 by Resonance ltd. . All rights reserved
    ×