რეზონანსი
15.10.2019

 (რეზონანსი) სისულელე და ძალიან არაადეკვატურია მსგავსი განცხადება, - ასე პასუხობს თამთა თოდაძე ადვოკატ მარიამ კუბლაშვილს.

მისივე თქმით, ეს ქცევა მის არაკომპეტენტურობაზე მიუთითებს.

„სისულელე და ძალიან არაადეკვატურია ადვოკატისგან მსგავსი განცხადება. რომელი პრაქტიკა გვიჩვენებს, რომ მსხვერპლს ასე დებატებში იბარებდნენ ტელევიზიაში. ეს მის არაკომპეტენტურობაზე მიუთითებს. მეტს არაფერს გეტყვით. ვერანაირ კომენტარს ვერ გავაკეთებ," - განაცხადა თოდაძემ „პრაიმტაიმთან".

ცნობისთვის, სექსუალურ ძალადობაში ბრალდებული დეპუტატის, ილია ჯიშკარიანის ადვოკატი, მარიამ კუბლაშვილი სავარაუდო მსხვერპლს, თამთა თოდაძესა და მის ადვოკატს დებატებში იწვევს.

თბილისის საკრებულოში „ქართული ოცნების" დეპუტატ ილია ჯიშკარიანი თანამშრომელმა, თამთა თოდაძემ სექსუალურ და ფიზიკურ ძალადობაში დაადანაშაულა.

საქართველოს გენერალურმა პროკურატურამ თბილისის საკრებულოს დეპუტატ ილია ჯიშკარიანს ბრალი 8 ოქტომბერს წარუდგინა. ამასთან, გენერალურმა პროკურატურამ თამთა თოდაძე დაზარალებულად ცნო.

10 ოქტომბერს, გენერალურმა პროკურატურამ თბილისის საკრებულოს დეპუტატის, ილია ჯიშკარიანისთვის აღკვეთის ღონისძიების შეფარდების მოთხოვნით სასამართლოს მიმართა.

ძალადობის სავარაუდო მსხვერპლის თქმით, ჯიშკარიანმა მასზე სექსუალური ძალადობა სცადა, შემდეგ კი ფიზიკურად იძალადა. საქმეზე გამოძიება სისხლის სამართლის კოდექსის სამი მუხლით მიმდინარეობს.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×