სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    რეზონანსი
    17.10.2019

    30 წლის მამაკაცმა ილგარ ნასიბოვმა მეუღლე ქამრით გაგუდა, დანაშაულის ჩადენის შემდეგ გარდაცვლილი მეუღლის ცხედარი პოლიციაში მიასვენა და თავადაც ბრალის აღიარებით პოლიციას ჩაბარდა.

    სოფელში მკვლელობის ერთ-ერთ მიზეზად ეჭვიანობა სახელდება, თუმცა ჯერჯერობით უცნობია, რას ამბობს ჩვენებაში თავად ბრალდებული ილგარ ნასიბოვი. ახალგაზრდა წყვილს სამი მცირეწლოვანი შვილი ჰყავს, მათგან უმცროსი 7 თვისაა. 

    ერიის წარმომადგენელი სოფელ ტალავერში ნოვრუზ აივაზოვი ამბობს, რომ მკვლელობა საღამო ხანს მოხდა. მოკლული ქალი აზერბაიჯანის მოქალაქეა და მისი ცხედარი უკვე გადაასვენეს ბაქოში. როგორც ირკვევა, წყვილი მცირეწლოვან შვილებთან ერთად ბაქოდან საქართველოში 2 დღის ჩამოსულები იყვნენ.

    "მკვლელობაში ბრალდებული მამაკაცი ჩვენი სოფლის მკვიდრია, ეს ბიჭი ბოლო წლები ძირითადად ბაქოში იყო, იქ მაღაზიაში მუშაობდა და მისი მეუღლეც აზერბაიჯანელია. სამი შვილი ჰყავთ, როგორც ბიჭის ოჯახის წევრები ამბობენ, ისინი სულ 2 დღის ჩამოსულები იყვნენ ბაქოდან. 

    იმ დღეს ილგარმა თურმე მეუღლეს უთხრა, რომ ნათესავის სახლში მიდიოდნენ სტუმრად, თავისი მამის ავტომანქანაში ჩაისვა ცოლი და ერთად გავიდნენ სახლიდან. სახლში ილგარის მშობლები და ძმა ცხოვრობს. ბავშვები მათთან დარჩნენ. მერე გზაში რა მოხდა და რაზე იჩხუბა ცოლ-ქმარმა, არ ვიცით. მათი საცხოვრებელი სახლიდან სადღაც 2 კილომეტრშია სოფლის სასაფლაო და სწორედ იმ სასაფლაოსთან მოუკლავს ცოლი. მერე ხალხისთვის უთქვამს, ის ჩემი შარვლის ქამრით მოვახრჩვეო. თურმე ძალიან აღელვებული ყოფილა და ამბობდა, არ ვიცი, ეს რატომ ჩავიდინე, იმ მომენტში რა დამემართაო. ის აღიარებს დანაშაულს. ცოლ-ქმარი მარტო იყო და ფაქტს თვითმხილველი არ ჰყავს. ალბათ მისცემს ჩვენებას გამოძიებას და მიზეზიც გაირკვევა. პირადად ვიყავი ბრალდებულის ოჯახში და ამბობენ, რომ ცოლ-ქმარს შორის ადრე ჩხუბი და კონფლიქტები არ ყოფილა. ამიტომ არ იციან ეს რატომ მოხდა", - განაცხადა ნოვრუზ აივაზოვმა. 

    კვირის პალიტრა

    ლიცენზია
    დატოვე კომენტარიკომენტარები (0)
    ჩაწერა სახელი

    Copyright © 2006-2019 by Resonance ltd. . All rights reserved
    ×