რეზონანსი
20.10.2019

 (რეზონანსი) ცოტნე გამსახურდია თავდაცვის მინისტრს ეხმაურება და ამბობს, ირაკლი ღარიბაშვილს არასწორად აქვს აღქმული წარსული და რეალობა.

„გია ყარყარაშვილი შეუპოვრობის, თავდადებისა და გაუტეხლობის სიმბოლოა" - ეს განცხადება მინისტრმა ღარიბაშვილმა ვეტერანების საქმეთა სახელმწიფო სამსახურში გააკეთა.

როდის იყო გია ყარყარაშვილი თავდადებისა და გაუტეხლობის სიმბოლო? ალბათ 1991 წლის 22 დეკემბერს, როდესაც სამაჩაბლოში პოზიციები მიატოვა და რუსთაველზე წამოვიდა ქართველებისთვის ტყვიის სასროლად? თუ მაშინ, როდესაც მისი ბანდა კოლხურ კოშკში დაგვესხა თავს, რათა ზვიად გამსახურდიას ცოლ-შვილი მძევლად აეყვანა? იქნებ მაშინ, როდესაც ამბობდა, მზად ვარ შევაკლა 100 ათასი ქართველი, რათა 90 ათასი აფხაზი გავწყვიტოო? ჰო, აი, ასე: საბჭოთა არმიის ლეიტენანტი და თბილისის ომში გაგენერლებული 25 წლის ყარყარაშვილი წყვეტდა ასიათასთა ბედს...

შეიძლება მაშინ იყო ყარყარაშვილი სამშობლოს სიმბოლო და რაინდი, როდესაც აფხაზეთში რუსებთან ბრძოლის შემდეგ რუსულ გენშტაბში წავიდა სასწავლებლად? აღარაფერს ვამბობ იმ ძარცვასა და კორუფციაზე, რომელშიც მან თავი გამოიჩინა...

მაგრამ ამ ყველაფრის გაგებას განა შეძლებს ბიძინას მექრთამე ლაქია, რომელმაც მილიონები მოიპარა და კარიდან წიხლით გააგდეს, მაგრამ ფანჯრიდან ისევ შემოძვრა? ამათთვის, საქართველოსთვის მებრძოლი ყარყარაშვილია, საქართველოს აღმშენებელი - ედუარდ შევარდნაძე, კანონის დამცველი - თამაზ თამაზაშვილი, ხოლო ბიძინე - თლათ ილია ჭავჭავაძეა...

ასე რომ, ერო, ამათგან არაფერია გასაკვირი. სწორედ ის პრიორიტეტები აქვთ, როგორიც უნდა ჰქონდეთ. ერთი ჰკითხეთ ვინმემ „თავდაცვისმინისტრს, წამით თუ დაინტერესებულა წაღვლი-ჩორჩანის ტყეში რა ხდება, ხაშურის რაიონს რომ გვაჭრიან რუსები? - წერს ცოტნე გამსახურდია სოციალურ ქსელში.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×