რეზონანსი
20.10.2019

 (რეზონანსი) "ევროპული საქართველოს" წევრი, ეუთო-ს საპარლამენტო ასამბლეის პრეზიდენტი გიგი წერეთელი სოფელ ატოცში, საოკუპაციო ხაზთან ჩავიდა. გიგი წერეთელი ადგილზე არსებულ ვითარებას გაეცნო და ჟურნალისტებთან მიმდინარე მოვლენებზე კომენტარიც გააკეთა.

"რაც აქ ხდება, არის უკანონო. ეს არის გაგრძელება დანაშაულებრივი ქმედების, რასაც ბორდერიზაცია წარმოადგენს. პერიოდულად აქ ხდება ბოძების ჩასმა, მავთულხლართების გავლება. ვფიქრობ, ამ პროცესს, რომელსაც უცბად ვერავინ გადაწყვეტს, სჭირდება დიდი აქტიურობა და ზეწოლა. როგორც ეუთო-ს საპარლამენტო ასამბლეის პრეზიდენტს, მომავალ კვირას მექნება ძალიან ბევრი შეხვედრა ევროპაში ლიდერებთან. ვაპირებ, ამ საკითხზე ვისაუბრო. მიუხედავად იმისა, რომ ამ საკითხებზე ბევრს ვაქტიურობთ, არსებობს ბევრი რეზოლუცია, არსებობს ძირითადი ხელშეკრულება ევროკავშირთან ევროკავშირის ბროკერობით, რომელსაც რუსეთი არ ასრულებს, ეს არის დიდი პრობლემა. მას აქვს ვალდებულება, შეასრულოს. ამ დროს ხდება ე.წ. საზღვრის უკანონოდ გავლება", - განაცხადა გიგი წერეთელმა.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×