რეზონანსი
12.12.2019

(რეზონანსი) მღვდელმონაზონი ანდრია სარია საპატრიარქოში დაიბარეს. როგორც სასულიერო პირი ამბობს, მას საქართველოს კათოლიკოს-პატრიარქის მდივანი დეკანოზი მიქაელ ბოტკოველი დაუკავშირდა და გადასცა, რომ ის დაბარებულია „ზნეობრივ კომისიაში", რაზეც მღვდელმონაზონმა უარი უთხრა.

"ჩვენი მხრიდან ნათელ მხარეს დგომა, პრინციპულობა, ბრძოლის უნარიანობა, ათწლეულობის განმავლობაში ეკლესიაში დაგროვილ პრობლემებზე მუშაობის დაწყება და რჯულის კანონით გათვალისწინებულ ნორმების დაცვა, როგორც ჩანს მძიმე ტვირთი აღმოჩნდა საპატრიარქოს „მსაჯულთათვის".

ჭყონდიდელ მიტროპოლიტ პეტრეს (ცაავა) უკანონოდ და უსაფუძვლოდ მღვდელმთავრობიდან განყენების შემდეგ როგორც ჩანს დადგა რიგი იმ სასულიერო პირების „გაჩუმებისა", რომლებიც მოვითხოვთ ეკლესიის შიგნით მოწესრიგდეს იმ უმსგავსობობათა ნიაღვარი რაც წლების განმავლობაში განუსჯელი ცოდვის სახით დაგროვდა და რამაც შექმნა არსებული კრიზისი.

„დღეს დამიკავშირდა სრულიად საქართველოს კათოლიკოს-პატრიარქის მდივანი დეკანოზი მიქაელ ბოტკოველი და გადმომცა რომ დაბარებული ვარ „ზნეობრივ კომისიაში", რაზეც უარი მოვახსენე, ვინაიდან დღემდე ვეკუთვნი ჭყონდიდის ეპარქიას, კერძოდ სალხინოს მამათა მონასტერს და ეპარქია არასდროს მიმიტოვებია აღკვეცის დღიდან მოგვიანებით დამიკავშირდა ეპისკოპოსი გრიგოლი (კაცია), რომელმაც დამიბარა საპატრიარქოში 13:30 წთ. ვფიქრობ, საინტერესო შეხვედრა მექნება.

ქრისტეს სიყვარული და ერთგულება ბევრად აღმატებულია, ვიდრე ამქვეყნიური პატივი და დიდება, რამეთუ თავად უფალი ბრძანებს: "უკეთუ მე მდევნეს, თქუენცა გდევნნენ" (ინ. 15. 20). მხილებისა და შესაბამისად გაჯანსაღების პროცესი შეუქცევადია, რამეთუ უფალი მეფობს:",სჯობს სიმართლისათვის დავისაჯოთ, ვიდრე ტყუილით გავმართლდეთ". P.S. ვისურვებდი, მომეცეს შესაძლებლობა ღია იყოს შეხვედრა საზოგადოებისთვის" -წერს მღვდელმონაზონი ანდრია (სარია).

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×