სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    რეზონანსი
    12.12.2019

    (რეზონანსი) რეჟისორ ზაზა ურუშაძეს დღეს საბურთალოს სასაფლაოზე დაკრძალავენ.

    „12 დეკემბერს, ქართველი საზოგადოება უკანასკნელ გზაზე გააცილებს, უნიჭიერეს კინორეჟისორს და სცენარისტს - ზაზა ურუშაძეს, რომელიც 7დეკემბერს, 53 წლის ასაკში, მოულოდნელად გარდაიცვალა. მას 14:00 საათზე, სიონის საკათედრო ტაძრიდან გამოასვენებენ. ზაზას წასვლა, კიდევ ერთი, ძალიან დიდი და უმძიმესი დანაკარგია ქართული კინოსთვის და ზოგადად - კულტურისთვის.

    ზაზა ურუშაძე 1966 წლის 30 ოქტომბერს დაიბადა. სწავლობდა შოთა რუსთაველის სახელობის თბილისის თეატრალურ ინსტიტუტში, რომელიც 1987 წელს დაამთავრა. 1999-2000წწ. სააქციო საზოგადოება „ქართული ფილმი", სამეთვალყურეო საბჭოს თავმჯდომარის მოადგილე; 2002-2004წწ. საქართველოს ეროვნული კინოცენტრის დირექტორი. 2013 წლის 9 მაისიდან იყო საქართველოს კინოაკადემიის პრეზიდენტი. ეს თანამდებობა მან, 2019 წლის სექტემბერში, საკუთარი გადაწყვეტილებით დატოვა.

    2013 წელს გამოვიდა მის მიერ გადაღებული, ესტონურ-ქართული კოპროდუქცია - „მანდარინები". ფილმი ნომინირებული იყო ოქროს გლობუსის საუკეთესო უცხოენოვანი ფილმის ჯილდოზე და ოსკარის საუკეთესო უცხოენოვანი ფილმის კატეგორიაში.

    ზაზა ურუშაძე დამდგმელი რეჟისორია ფილმებისა: „მათთვის, ვინც მამამ მიატოვა" (1989); „აქ თენდება" (1998); სერიალი - „ცხელი ძაღლი" (2003-2009); „სამი სახლი" (2008); „დარჩი ჩემთან" (2011); „ბოლო გასეირნება" (2012); „მანდარინები" (2013); „აღსარება" (2017); „ანტონი" (2019).

    საქართველოს კინოაკადემია ღრმა მწუხარებას გამოთქვამს ზაზა ურუშაძის გარდაცვალების გამო. უსამძიმრებს ოჯახს, კოლეგებს, მის მეგობრებს და ახლობლებს. „ჩვენ უნდა გვახსოვდეს მთავარი - დავრჩეთ ადამიანებად!" - ზაზა ურუშაძე. ეს ფრაზა არის ზაზა ურუშაძის გამორჩეული ნიჭიერებით აღსავსე, შესანიშნავი შემოქმედების ძირითადი არსი და შინაარსი. და ამავე დროს - პასუხი ყველა კითხვაზე - მკაფიო და ერთმნიშვნელოვანი", - ნათქვამია საქართველოს კინოაკადემიის განცხადებაში.

    ლიცენზია
    დატოვე კომენტარიკომენტარები (0)
    ჩაწერა სახელი

    Copyright © 2006-2020 by Resonance ltd. . All rights reserved
    ×