რეზონანსი
21.01.2020

ტერორისტული ორგანიზაციის „ისლამური სახელმწიფოს" ახალი ლიდერი ამირ მუჰამედ აბდულ რაჰმან ალ-მაული ალ-სალბი გახდა. ის ამ თანამდებობაზე ოქტომბერში დაღუპულ აბუ-ბაქრ ალ-ბაღდადის შეცვლის. ამის შესახებ The Guardian ორი სადაზვერვო სამსახურის წყაროებზე დაყრნობით წერს.

ალ-სალბი, რომელიც ასევე ცნობილია, როგორც ხაჯი აბდულა ან აბდულა ქარდაში, დაჯგუფების ერთ-ერთ დამფუძნებლად მიიჩნევა. ის დაიბადა ერაყის ქალაქ ტალ-აფარში, ხოლო ეროვნებით თურქმენია.

სპეცსამსახურების ინფორმაციით, მან შარიათში სამეცნიერო ხარისხი მიიღო მოსულის უნივერსიტეტში, რის შემდეგ ის დაჯგუფების ერთ-ერთ მთავარ იდეოლოგად იქცა. 2004 წელს ის ამერიკელმა სამხედროებმა დააკავეს, რის შემდგომ ალ-სალბი ერაყის სამხრეთით მდებარე კემპ ბუკას ციხეში მოხვდა, სადაც ალ-ბაღდადი გაიცნო.

2019 წელს აშშ-ის სახელმწიფო დეპარტამნეტმა ჯილდოს სახით 5 მილიონი დოლარი დააწესა ალ-სალბის ადგილმდებარეობის შესახებ ინფორმაციის მიწოდებისთვის.

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×