რეზონანსი
20.02.2020

(რეზონანსი) გვინდა სიმართლე გაირკვეს და არაფერი დაიფაროს, მაგრამ სანამ ყველაფერი გაირკვევა, გვაცადეთ დაკრძალვა, ნუ გვიკლავთ სიტყვით მეორედ, - ამის შესახებ განცხადებას, გუდაურში მოკლული 28 წლის თამაზ გორთამაშვილის ოჯახი წევრი აკეთებს.

თამაზის ოჯახი: - გვინდა სიმართლე გაირკვეს და არაფერი დაიფაროს, მაგრამ სანამ ყველაფერი გაირკვევა, გვაცადეთ ძმის, შვილის გამოტირება, გვაცადეთ დაკრძალვა, ნუ გვიკლავთ სიტყვით მეორედ. თქვენ ხომ არ იცით თამაზი როგორი იყო, ადამიანს ვერ იპოვნით, ვისთანაც ნაჩხუბარი იქნებოდა, არასოდეს უხულიგნია, არასოდეს იყო დაკავებული. თქვენ ხომ არ იცნობდით თაზოს, რომლის დაკრძალვასაც არ გვაცდით და გვაიძულებთ ვილაპარაკოთ, კამერების წინ დავდგეთ და მოვყვეთ ის, რისი დეტალებიც ჯერ თავად არ ვიცით ბოლომდე.

აცადეთ დედას გამოიტიროს ნაბოლარა შვილი, აცადეთ დედას ტირილი. თორემ, ჩვენზე მეტად, არავის სურს სიმართლის დადგენა. მანამდე კი, ახლა როცა თამაზი ბოლო საათებსა და წუთებს ატარებს სახლში, მის გვერდით გვინდა ვიდგეთ, ვიდგეთ და ვიგლოვოთ.

თამაზის ახლობლები და ნათესავები: - ერთ თანამშრომელს ვერ იპოვნით, ვისაც თამაზის ჩხუბი კი არა, ხმამაღალი სიტყვა გაეგონოს. მას შემდეგ, რაც ამდენი ცუდი დაიწერა, იძულებულნი ვართ, აქ ვიდგეთ და ვილაპარაკოთ, არადა, ახლა იქ უნდა ვიყოთ, თამაზის გვერდით. ტელეფონის გახსნა არ გვინდა, ყოველ წუთს რაღაცა იწერება, ყოველ წუთს, ვიღაც ილანძღება, არადა, ეს ადამიანები საერთოდ არ იცნობენ თამაზს, რა ვქნათ, დავდგეთ და ვაქოთ? დავდგეთ და მოვყვეთ, როგორი თბილი, როგორი კეთილი, როგორი კარგი იყო? როგორ უყვარდა სიცოცხლე?

თამაზი 8 თვის იყო, როცა მამა გარდაეცვალა. დედამ მარტომ გაზარდა სამი ვაჟი. რამდენი ტკივილი, რამდენი გაჭირვება აქვს გამოვლილი. ყოველთვის მუშაობდა, აი, ფულის კი რა გითხრათ, ფულს როგორ შევინახავ, როცა ამდენი გაჭირვებულიაო - ამბობდა და მართლაც ვერასოდეს ინახავდა, მიდიოდა და ისევ ისე ღიმილით მუშაობდა. ხომ არ იქნება რთული იმის დადგება, რომ არასოდეს უხულიგნია, არასოდეს ყოფილა დაკავებული სამართალდამცველების მიერ, ყოველთვის რომ მუშაობდა, არც მაგის დადგენა იქნება რთული.

თამაზი იმ ბარში აღარ მუშაობდა, უკვე სამი კვირაა თითქმის, ინსტრუქტორად მუშაობდა მხოლოდ. შესაბამისად, მასთან, როგორც ბარმენთან კონფლიქტი ვერავის ექნებოდა. მედიაში გაჟღერდა, რომ ოჯახი და ახლობლები შსს-ს არ ვენდობით, იგივე ადამიანები ვესაუბრეთ იმ მედიასაც, არ გვითქვამს მსგავსი, პირიქით, ვთქვით, რომ ამ ეტაპზე გამოძიებას ვენდობით, ამ ეტაპზე ჩვენ ვერც ვფიქრობთ სხვაზე ვერაფერზე, გარდა იმისა, რომ თამაზი აღარ გვყავს, იმედი გვაქვს, გამოძიება დაადგენს სიმართლეს. დაადგენს იმ ჩანაწერზეც ვინ ვინ არის, ვინ ჩხუბობს, ვინ აშველებს.

ჩვენ როგორც ვიცით, თამაზი გაშველებას ცდილობდა, მაგრამ ეგაც გამოძიებამ დაადგინოს. გასროლა კაზინოს წინ მოხდა, ამიტომ, მაგ მონაკვეთის ჩანაწერიც ექნება გამოძიებას ამოღებული. აუცილებლად უნდა გაირკვეს სიმართლე, შეიძლება ვინმემ ახლა თქვას, რაღა აზრი აქვსო, მაგრამ ჩვენთვის აქვს, ჩვენ 28 წლის ბიჭი მოგვიკლეს და ახლა მეორედ გვიკლავენ ბრალდებებით და ლანძღვით!

წყარო: ალია

ლიცენზია
დატოვე კომენტარიკომენტარები (4)
ჩაწერა სახელი
Aqauri   (20.02.2020)
Qarrveli Qartvels nu klavs! Es eris tragediaa, qanurchevlad tyuan martalisa!

Aqauri   (20.02.2020)
Qarrveli Qartvels nu klavs! Es eris tragediaa, qanurchevlad tyuan martalisa!

Aqauri   (20.02.2020)
Qarrveli Qartvels nu klavs! Es eris tragediaa, qanurchevlad tyuan martalisa!

Aqauri   (20.02.2020)
Qarrveli Qartvels nu klavs! Es eris tragediaa, qanurchevlad tyuan martalisa!


Copyright © 2006-2020 by Resonance ltd. . All rights reserved
×