რეზონანსი
29.03.2020

„პრაიმტაიმისთვის“ ცნობილი გახდა, რომ 24 წლის ვანო ნოზაძე, რომელიც გუშინ გურჯაანის რაიონის სოფელ ვეჯინში 3 თვის შვილის მკვლელობისთვის დააკავეს, წარსულში სქესობრივი დანაშაულისთვის არის ნასამართლევი.

ის საჩხერის რაიონის სოფელ კორბოულიდან არის, გურჯაანში კი ცოლ-შვილთან ერთად ნათესავის სახლში იმყოფებოდა.

მკვლელობის ადგილთან ერთად გუშინ საგამოძიებო მოქმედებები მიმდინარეობდა სოფელ კორბოულშიც, სადაც მეზობლები და ბრალდებულის დედა დაკითხეს.

როგორც ადგილობრივები “პრაიმტაიმს” უყვებიან, ბრალდებული წარსულში 5-წლიან სასჯელს გაუპატიურების მცდელობისთვის იხდიდა, ციხიდან გამოსვლის შემდეგ კი ხშირად სვავდა, რის გამოც მეუღლესთან კონფლიქტიც ჰქონდა.

საზარელი მკვლელობა 28 მარტს სოფელ ვეჯინში მოხდა. 24 წლის ვანო ნოზაძემ 3 თვის შვილს ყელი გამოჭრა, ასევე ყელის არეში მძიმე დაზიანებები მიაყენა მეუღლეს, ამის შემდეგ კი მან თვითმკვლელობა სცადა. დაჭრილი ცოლი, ისევე როგორც ბრალდებული საავადმყოფოში იმყოფებიან.

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×