რეზონანსი
08.04.2020

ინფექციონისტ მაია ბუწაშვილის ვარაუდით, საქართველოში კორონავირუსის გავრცელების პიკი აპრილი ბოლო რიცხვებიდან დაიწყება. როგორც ექიმმა „რუსთავი 2-ს" განუცხადა, COVID 19-ით ქვეყნის მოსახლეობის 30% დაავადდება.

„ჩვენ ვვარაუდობთ, რომ მკვეთრი აღმავლობა ინფიცირებულების, როგორიც იყო ეს დასავლეთ ევროპის ქვეყნებში, საქართველოში არ უნდა იყოს, ვინაიდან საწყისი იმპორტის შემთხვევების შეკავება დადებითად მოხდა. ამიტომ, არ ველით ჩვენ, რომ ერთბაშად მოხდება ინფიცირება,"- აცხადებს ინფექციონისტი.

მისივე თქმით, ვირუსის არიდების ყველაზე ეფექტიანი ხერხი სწრაფი და მრავალფეროვანი დიაგნოსტიკის ხერხია.

„როგორც იქნა მოხდა განხილვა იმისი, რომ მოხდეს სწრაფი და მრავალფეროვანი დიაგნოსტიკა, რასაც ექიმები ამდენ ხანს ვითხოვდით და ამირან გამყრელიძემაც გააჟღერა. მაგალითად, ყელცხვირნაცხით დიაგნოსტიკა მასობრივი კვლევისთვის არის ეფექტური. PC ტესტით შესაძლოა, საერთოდაც ვერ მოხდეს დიაგნოსტიკა იმ ადამიანის, რომელსაც დღეების განმავლობაში შეიძლება ჰქონდეს ეს დაავადება. ასევე, ანტისხეულებით დიაგნოსტიკაც შეიძლება ინდივიდისთვის არ იყოს ეფექტური",- აცხადებს ექიმი.

საქართველოში კორონავირუსი 208 ადამიანს დაუდასტურდა, აქედან 48 ადამიანი უკვე გამოჯანმრთელდა, 3 კი გარდაიცვალა.

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×