რეზონანსი
22.05.2020

ფაქტი, რომ საქართველო ოკუპირებულია, ჩემთვის საკმარისია იმისთვის, რომ საქართველო ნატოში მივიღოთ - ამის შესახებ ადამ კინზინგერმა „ამერიკის ხმის" ქართულ რედაქციასთან ინტერვიუში განაცხადა.

რესპუბლიკელი კონგრესმენის თქმით, რუსეთი სუსტი ქვეყანაა, რომელსაც მხოლოდ მსგავსი ცალკეული ნაბიჯების გადადგმა შეუძლია.

„რუსეთი ნეგატიურ როლს თამაშობს არამხოლოდ გავლენის, არამედ მასობრივი არასტაბილურობის შექმნის კუთხითაც. მათ ეს იციან, რუსეთი ასე იქცევა. რუსეთი ბევრად უფრო სუსტია, ვიდრე ამერიკა. ერთადერთი, რისი გაკეთებაც შეუძლიათ მსგავსი ცალკეული ნაბიჯებია, ისინი გააგრძელებენ პრობლემების შექმნას. როგორც ევროპელ ლიდერებს ვუთხარი გუშინ ატლანტიკურ საბჭოში გამოსვლისას, დროა, ორმაგად უფრო ჩართულები ვიყოთ საქართველოში, რომ რუსეთს ჩვენი ბულინგის საშუალება არ მივცეთ. ფაქტი, რომ საქართველო ოკუპირებულია, ჩემთვის საკმარისია იმისთვის რომ საქართველო ნატოში მივიღოთ. ჩვენ ისეთმა სუსტმა ქვეყანამ რომელსაც რუსეთი ჰქვია, არ უნდა შეგვაშინოს," - განაცხადა კინზინგერმა.

ლიცენზია
დატოვე კომენტარიკომენტარები (1)
ჩაწერა სახელი
მედეა   (23.05.2020)
მადლობა ღმერთს, მგონი მოდიან ჩვენს დასაცავად, ნატოში გაწევრიანების შემდეგ--ვერ გაგვიბედავენ ბორდერიზაციას რუსები!


Copyright © 2006-2020 by Resonance ltd. . All rights reserved
×