რეზონანსი
24.05.2020

ჩვენ არ გვყავს ბევრი ნიკოლოზ ბასილაშვილი, რომ საერთაშორისო დონეზე მისი რეპუტაცია ფეხქვეშ გავთელოთ, - ასე პასუხობს ნიკოლოზ ბასილაშვილის ადვოკატი ირმა ჭკადუა სახალხო დამცველის განცხადებას. ნინო ლომჯარიამ სოციალურ ქსელში დაწერა, რომ „დაზარალებულ ქალს მხარდაჭერას უცხადებს და სახელმწიფო უწყებებს მისი დაცვისკენ მოუწოდებს".

„კი ბატონო, დაიწყონ საქმის შესწავლა, ეს მათი უფლებაა, მაგრამ ზოგადად, ყველა მხარეს უნდა მოუსმინონ და ასეთი ცალმხრივი განცხადებები არ უნდა კეთდებოდეს. არ უნდა დაირღვეს უდანაშაულობის პრეზუმფცია და არ უნდა იქნეს მოხსენიებული ნიკოლოზ ბასილაშვილი, როგორც მოძალადე, ვინაიდან სასამართლოს ჯერ არ დაუდგენია, რომ ნიკოლოზ ბასილაშვილი არის მოძალადე. ჩვენ არ გვყავს ბევრი ნიკოლოზ ბასილაშვილი, რომ საერთაშორისო დონეზე მისი რეპუტაცია ფეხქვეშ გავთელოთ, ეს არის ჩემი პოზიცია",- განაცხადა ადვოკატმა.

როგორც ჭკადუა ამბობს, მისი დაცვის ქვეშ მყოფი თავს დამნაშავედ არ ცნობს.

„ნიკოლოზის პოზიცია გახლავთ შემდეგი, რომ არანაირი დანაშაული არ ჩაუდენია, შესაბამისად, თავს დამნაშავედ არ ცნობს. მეტს ამ ეტაპზე ვერაფერს ვერ მოგახსენებთ. დანარჩენს უკვე მოგახსენებთ განცხადებაში, რომელსაც გავავრცელებთ",- აცხადებს ჭკადუა.

ცნობისთვის, ნიკოლოზ ბასილაშვილი და მისი ადვოკატი უახლოეს საათებში განცხადების გავრცელებას გეგმავენ.

ჩოგბურთელი ნიკოლოზ ბასილაშვილი 22 მაისს დააკავეს. პროკურატურის ინფორმაციით, 21 მაისს თბილისში, ავჭალის დასახლებაში, ბასილაშვილმა ურთიერთშელაპარაკების ნიადაგზე, ყოფილი მეუღლის მიმართ ფიზიკური ძალადობა განახორციელა. სისხლის სამართლის საქმეზე გამოძიება 126-ე პრიმა მუხლის მე-2 ნაწილის „ბ" ქვეპუნქტით მიმდინარეობს. სასამართლომ ბასილაშვილს აღკვეთის სახით გირაო შეუფარდა.

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (4)
ჩაწერა სახელი
Kaxeli   (25.05.2020)
Erti cveulebrivi cancara da shantajist qalis gulistvis, ratom unda daungriot kacs momavali. Tu martla scemda asi atas rom ijibavda kovel tve agar stkioda tu rashia saqme tu ara kidev visi ra gasarcevia sxvidi ojaxis saqme kvelam tavis mamidas mixedos.

გალელი   (25.05.2020)
გამომძალველ ცოლს პასუხისგება-ესაა სამართალი.ვინც იცის ისტორია ამ ქალის საქციელის მიხვდება რატომ ვამბობ

***   (24.05.2020)
რეპუტაციას გაუფრთხილდა.

***   (24.05.2020)
რატომ გადაიხადა ასი ათასი .ბევრი რომ არ გვყავს ნიკოლოზ ბასილაშვილი,ალბათ .რეპუტაციას გაუფრთხილდი.


Copyright © 2006-2020 by Resonance ltd. . All rights reserved
×