რეზონანსი
25.05.2020

„ვწუხვარ, მაგრამ თუ მის კარიერას და მდგომარეობას რაიმე დისკომფორტი შეექმნა, ერთადერთი ვისკენაც შეუძლია ხელის გაშვერა, ეს არის საკუთარი თავი", - ამის შესახებ ნიკოლოზ ბასილაშვილზე საუბრისას ნეკა დოროყაშვილის ადვოკატმა, ანა აბაშიძემ პრესკონფერენციაზე განაცხადა და ჩოგბურთელის წარმატებაში ცოლის როლს გაუსვა ხაზი.

მისი თქმით, ნეკა დოროყაშვილისა და ნიკოლოზ ბასილაშვილის თანაცხოვრების პერიოდი პირდაპირ უკავშირდება ჩოგბურთელის წარმატებას და ამას თავად ნიკოლოზ ბასილაშვილიც აღიარებს არაერთ ინტერვიუში.

„ასე რომ, თუ ვინმეს და ძალიან ბევრს გიამაყიათ ნიკოლოზ ბასილაშვილის წარმატებით, უნდა იცოდეთ, რომ ეს დიდწილად მის ოჯახთან და პირველ რიგში, ყოფილ ცოლთან არის დაკავშირებული. თავად ქალბატონი ნელი უარს ამბობდა პირად კარიერულ წარმატებაზე. მან კარიერა დაიწყო ჯერ კიდევ საჯარო სამსახურში და არაერთი მიმართულებით ჰქონდა შემოთავაზება როგორც ქვეყნის შიგნით, ასევე მის გარეთ, თუმცა მან თავისი ნებით გააკეთა არჩევანი, რომ თავის ოჯახზე ეზრუნა", - აღნიშნა ანა აბაშიძემ.

მისივე თქმით, ნიკოლოზ ბასილაშვილი სპორტულ სამყაროში მისაბაძი ადამიანია, თუმცა ეს არ ნიშნავს, რომ წარმატებული ადამიანი ვინმეზე უნდა ძალადობდეს.

„მისი დამსახურებები ნამდვილად ხაზგასასმელია და ჩვენ ეს ყველას გვიხარია, მაგრამ ეს არც ერთ შემთხვევაში არ ნიშნავს იმას, რომ წარმატებული ადამიანი კონკრეტულ სფეროში, ან კონკრეტული მიმართულებით, უნდა ძალადობდეს ვინმეზე და მარტო იმის გამო, რომ ის არის წარმატებული ადამიანი, ჩვენ უნდა გავჩუმდეთ.

ეს დაუშვებელია, ეს არ ნიშნავს სამართლებრივ სახელმწიფოს და არც განვითარებულ საზოგადოებას, რომელიც ხშირად მოუწოდებს ქალს, რომ მოითმინოს ძალადობა, რადგან კაცი წარმატებულია და სახელმწიფოს წარმოადგენს", - განაცხადა ანა აბაშიძემ.

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (3)
ჩაწერა სახელი
ბათუ   (25.05.2020)
გამარჯვება ნიკას და შემდგომი ბედნიერი ცხოვრება.წინსვლა და ამაღლება

...   (25.05.2020)
სოლიდარობა ნიკას, ცილისმწამებლები დილეგში!!! საინტერესოა "ადვოკატი" რა სარგებელზე აწერს ხელს ესეთ სამარცხვინო საქმეზე რო ლაქლაქებს. სამწუხაროა სამწუხაროა

sos!   (25.05.2020)
ადვოკატო რა გზა გაქვს არ დაიცვა გამომძალველი ქალი,ესაა შენი საქმე,მაგრამ ღმერთის შენც გეშინოდეს თუ საქმის შეთითხვნას ექნება ადგილი.ქმრის შრომას ტყუილად ნუ იწერს, ნიკოლოზის წარმატებები მისი დაუღალავი შრომითაა მიღწეული,ის კი მისი ნაშრომით ნებივრობდა.მოძალადე და პროვოკატორმა ცოლმა პასუხი უნდა აგოს შანტაჟისთვის


Copyright © 2006-2020 by Resonance ltd. . All rights reserved
×