რეზონანსი
04.06.2020

„ქრონიკის" მიერ ექსკლუზიურად მოპოვებული დოკუმენტებით ირკვევა, რომ 2000 წელს აშშ-დან გიორგი რურუას დეპორტაცია განხორციელდა. მას ინტერპოლი ეძებდა.

2000 წლის 15 მაისს საქართველოში ინტერპოლის ბიურომ ამერიკის შეერთებული შტატებიდან მიიღო შეტყობინება, რომ ჯორჯიის შტატში საემიგრაციო კანონის დარღვევისთვის დაკავებული იყო საქართველოს მოქალაქე, რომელსაც დავით კურცხალიას სახელზე გაცემული პასპორტი ჰქონდა. სამართალდამცველებმა გაარკვიეს, რომ დაკავებული არა კურცხალია, არამედ ინტერპოლის წითელი ცირკულარით ძებნილი გიორგი რურუა იყო.

„ქრონიკას" გენერალური პროკურატურის საზოგადოებასთან ურთიერთობის სამსახურის უფროსმა, ბაია ცანავამ განუცხადა, რომ გიორგი რურუა იმ დროისთვის ინტერპოლის წითელი ცირკულარით იძებნებოდა ძალადობით თანხის გამოძალვის ფაქტზე.

„გიდასტურებთ, რომ გიორგი რურუას ექსტრადიციის მოთხოვნით 2000 წელს საქართველოს გენერალურმა პროკურატურამ მიმართა ამერიკის შეერთებული შტატების კომპეტენტურ ორგანოებს. გიორგი რურუა იმ დროისთვის ინტერპოლის წითელი ცირკულარით იძებნებოდა ძალადობით თანხის გამოძალვის ფაქტზე. 2000 წლის 26 ივნისს გიორგი რურუა დეპორტირებულ იქნა ამერიკის შეერთებული შტატებიდან საქართველოში შემდგომი სამართლებრივი პროცედურების აღსრულების მიზნით", - განმარტა გენერალური პროკურატურის საზოგადოებასთან ურთიერთობის სამსახურის უფროსმა.

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (1)
ჩაწერა სახელი
1234   (05.06.2020)
გადაუგზავნეთ მერე ის ინფორმაცია რიშს და მის კომიტეტს, და თუ მაინც არ მოკეტავს, გამოაქვეყნეთ "აზრი" წერილი ნიუ იორკ ტაიმს-ში ან ვაშინგტონ პოსტში თუ როგორ უჭერს მხარს და მოიხსენიებს პოლიტ პატიმრად ამერიკიდან დეპორტირებულ განგსტერს სენატის კომიტეტის თამჯდომარე და დამთავრდება ამით ყველაფერი. რაზეც იყო ექსტრადირებული თუ გასამართლდა იმაზე ეს "მედია მფლობელი" თუ ჩაფარცხა ეგ საქმე "კორუფციასთან ორგანიზებულ დანაშაულთან" მებრძოლმა სააკამ და მისმა ბანდამ?


Copyright © 2006-2020 by Resonance ltd. . All rights reserved
×