რეზონანსი
05.06.2020

ოკუპირებული ცხინვალის გამოსასწორებელ კოლონიაში ბუნტი დაფიქსირდა. ამის შესახებ ინფორმაცია სხვადასხვა წყაროთი გავრცელდა. არსებული ინფორმაციით, რამდენიმე პატიმარმა სხეულზე თვითდაზიანება მიიყენა, რომლებიც საავადმყოფოში გადაიყვანეს.

მოგვიანებით, ოკუპირებული ცხინვალის რეგიონის დე ფაქტო იუსტიციის სამინისტრომ გაავრცელა ინფორმაცია, რომ მომხდარი ხუთშაბათს იზოლატორში ჩატარებულ ჩხრეკას უკავშირდება, რომელიც აკრძალული ნივთების ამოსაღებად განხორციელდა.

„სამინისტროს" ცნობით, ერთ-ერთ პატიმარს მობილური ტელეფონი ჩამოართვეს, რომელმაც თანამშრომლებს წინააღმდეგობა გაუწია. მომხდარის გამო, თანამშრომელთა უსაფრთხოების დასაცავად, ე.წ. შსს-ს ძალები გამოიყენეს და შემოწმება გაგრძელდა.

ე.წ. გენპროკურატურის თანამშრომლებმა ადგილზე ჯგუფური დაუმორჩილებლობის ფაქტი დააფიქსირეს.

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×