რეზონანსი
29.06.2020

პანდემიით გამოწვეული ვითარების ფონზე საარჩევნო კოდექსში შესატან ცვლილებებზე პარლამენტში მეორე სამუშაო შეხვედრა იმართება. ამ შემთხვევაში საუბარია იმ რეკომენდაციებზე, რომელთა დაცვაც საარჩევნო უბნებზე სავალდებულო უნდა გახდეს.

დევნილთა, შრომის, ჯანმრთელობისა და სოციალური დაცვის მინისტრის პირველი მოადგილე თამარ გაბუნია აცხადებს, რომ არჩევნებისთვის ახალი რეკომენდაციების შემუშავებაა საჭირო.

"საკითხი ეხება არჩევნებისთვის მომზადებას. გარკვეული რეკომენდაციები უნდა დავიცვათ, რომ ეპიდემიურად არჩევნები იყოს უსაფრთხო. ყველას უნდა მივცეთ უფლება არჩევნებში მონაწილეობის, ეს იქნება კარანტინში მყოფი პირი თუ სხვა,"- განაცხადა თამარ გაბუნიამ.

საქართველოს ცენტრალური საარჩევნო კომისიის თავმჯდომარე თამარ ჟვანია აღნიშნავს, რომ გარდამავალი დებულებით საკანონმდებლო ცვლილებები არჩევნებისთვის უკვე იგეგმება.

"გარდამავალი დებულებით იგეგმება, რომ ისეთი საკანონმდებლო ცვლილებები შევიდეს, რომელიც დაარეგულირებს წესებს. მაგალითად პირბადის გამოყენების სავალდებულობა, სხვადასხვა სანიტარული ნორმები, სოციალური დისტანცირება და ა.შ,"- განაცხადა ცესკოს თავმჯდომარემ თამარ ჟვანიამ.

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×