რეზონანსი
30.06.2020

უბედური შემთხვევიდან ზუსტად ერთი თვის თავზე დედოფლისწყაროს სოფელ ხორნაბუჯში მცხოვრები 15 წლის ანა ზოროღლიანი გარდაიცვალა. გოგონა ამ დრომდე თბილისის რეფერალურ საავადმყოფოს რეანიმაციულ განყოფილებაში იმყოფებოდა. დედოფლისწყაროს სოფელ ხორნაბუჯის საჯარო სკოლის მეათე კლასის მოსწავლის ჯანმრთელობის მდგომარეობა მძიმე იყო და ამ ხნის განმავლობაში ხელოვნური სუნთქვის აპარატზე იყო მიერთებული.

უბედური შემთხვევა ქალაქ დედოფლისწყაროში 30 მაისს მოხდა, მოზარდის გარდაცვალება კი 30 ივნისს დაფიქსირდა. როგორც თვითმხილველები ამბობენ, გოგონა დედოფლისწყაროში ღამით სეირნობის დროს ველოსიპედიდან გადმოვარდა, დაეცა და თავის ტრავმა მიიღო.

მისი ახლობლები დედოფლისწყაროს ტელევიზიასთან საუბრისას იხსენებენ, რომ დაცემიდან რამდენიმე საათში არასრულწლოვან გოგონას ცნობიერება ჰქონდა და გონება გვიან ღამით დაკარგა. სასწრაფო სამედიცინო დახმარების სამსახურმა თავდაპირველად ის დედოფლისწყაროს საავადმყოფოში მოათავსა, შემდეგ კი მდგომარეობის გართულების გამო კატასტროფის ცენტრის ეკიპაჟის გამოძახებისა და გოგონას თბილისში გადაყვანის აუცილებლობა დადგა. გარდაცვლილის დის განცხადებით, კატასტროფის ცენტრი ოჯახის დაჟინებული მოთხოვნით გამოიძახეს.

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×