რეზონანსი
01.07.2020

კომპანია Wizz Air-მა ქუთაისში არსებული ბაზა დროებით გააუქმა და საქართველოში მყოფი თვითმფრინავები უნგრეთში გადაიყვანა. ინფორმაციას ამის შესახებ სამოქალაქო ავიაციის სააგენტოში ადასტურებენ.

სააგენტოს ცნობით, აღნიშნული გადაწყვეტილება კომპანიამ პანდემიის გამო შექმნილი ვითარებიდან გამომდინარე მიიღო, რადგან 1 აგვისტომდე საქართველოდან ფრენები შეზღუდულია. როგორც სააგენტოში “ნეტგაზეთს” განუმარტეს, საქართველო არ არის ერთადერთი ქვეყანა, სადაც კომპანიამ მსგავსი გადაწყვეტილება მიიღო. იქიდან გამომდინარე, რომ ამ დროისთვის მსოფლიოს მასშტაბით ფრენები შეზღუდულად ხორციელდება, კომპანიას სხვადასხვა ქვეყანაში ბაზირებული თვითმფრინავები უნგრეთში გადაჰყავს, რათა ფრენები იმ მიმართულებით განახორციელოს, რომელშიც ავიამიმოსვლა ამ დროისთვის აქტიურია.

აღნიშნული ინფორმაციის დასაზუსტებლად “ნეტგაზეთი” საქართველოში კომპანია Wizz Air-ის წარმომადგენლობასაც დაუკავშირდა. კომპანიაში ამ ეტაპზე აღნიშნულ საკითხთან დაკავშირებით კომენტარის გაკეთებისგან თავი შეიკავეს, თუმცა გვითხრეს, რომ კომპანიის სათავო ოფისიდან ოფიციალურ გაცნხადებას ხვალისთვის ელოდებიან.

ნეტგაზეთი

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×