სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    რატომ ვერ არეგულირებს ვითარებას კომპანია მომსახურე პერსონალთან?
    თამუნა მუკბანიანი
    31.01.2019

     სატაქსო კომპანია "მაქსიმის" მძღოლები აქციას მართავენ. მიზეზი ყოველ მგზავრობაზე ჩამოჭრილი 20 თეთრია, რომელიც, მძღოლების თქმით, მათ შემოსავალს აკლდება. კომპანია კი ამტკიცებს, რომ ეს გადასახადი იმ მგზავრებს დაეკისრებათ, რომლებმაც ტაქსი ოპერატორის საშუალებით გამოიძახეს.

    მძღოლები, რომლებიც აქციას მართავენ, ამბობენ, რომ ყველა გამოძახებიდან მათ კომპანია 20 თეთრის გადახდას სთხოვს, რაც შემოსავალზე მნიშველოვნად აისახება. ისინი, "მაქსიმისაგან" ამ ნორმის გაუქმებას ითხოვენ. კომპანიაში საპასუხოდ ამბობენ, რომ მძღოლებმა, უბრალოდ, ვერ გაიგეს დამატებითი 20 თეთრის დაწესების მიზეზი და ის იმ მგზავრებმა უნდა გადაიხადონ, რომლებიც ოპერატორის საშუალებით იძახებენ ტაქსის.

    ტაქსის მძღოლებმა მუშაობა შეაჩერეს. მიზეზი 25 იანვარს "მაქსიმის" ადმინისტრაციის მიერ საკომისიო მოსაკრებლის თითოეულ შეკვეთაზე 20 თეთრით ზრდაა.

    "თუ იყო 10-ლარიანი შეკვეთა, აქამდე ოფისი გვაჭრიდა 1 ლარს. დღეიდან თუ შეკვეთა 10 ლარია, გვაჭრიან 1.2 ლარს", - განუცხადეს "ბათუმელებს" აქციაზე შეკრებილმა მძღოლებმა.

    მძღოლების საპასუხოდ კომპანიაში ამტკიცებენ, რომ დამატებითი ღირებულება, 20 თეთრი არ აისახება დასაქმებულთა შემოსავალზე და ამ თანხას მგზავრები გადაიხდიან იმ შემთხვევაში, თუკი ოპერატორის საშუალებით გამოიძახებენ ტაქსის და არა - აპლიკაციით.

    "მძღოლებმა, რომლებიც მართავენ აქციებს სერვის "მაქსიმის" წინააღმდეგ, სავარაუდოდ, ვერ გაიგეს, რაში მდგომარეობს აღნიშნული სიახლე. არანაირი დამატებითი მოსაკრებელი არ შემოგვიღია. 20 თეთრი, რაზეც დავობენ, არ არის მათი შემოსავლის ნაწილი, არც კომპანიის, ეს არის მგზავრების გადასახდელი თანხა კონტაქტ-ცენტრის მომსახურებისათვის.

    20 თეთრი ჩამოიჭრება მძღოლის ანგარიშიდან მხოლოდ იმ შეკვეთებიდან, რომლებიც შეიქმნა ოპერატორის მეშვეობით. მძღოლი, უბრალოდ, გადასცემს სერვისს 20 თეთრს, რომელსაც იხდის მგზავრი. მისი შემოსავალი არანაირად არ იცვლება. მაგალითად, მგზავრობა ღირს 6 ლარი, თუ მგზავრმა გამოიძახა ავტომობილი ოპერატორის მეშვეობით, ის დამატებით აუნაზღაურებს კონტაქტ-ცენტრს 20 თეთრს, რომელსაც უხდის მძღოლს. მომსახურების საბოლოო ღირებულება მგზავრისათვის შეადგენს 6.20 ლარს. მგზავრი გადასცემს ამ თანხას მძღოლს, ის კი 20 თეთრს დაუბრუნებს სერვისცენტრს, შემდგომში კონტაქტ-ცენტრთან ანგარიშწორებისათვის. მძღოლის შემოსავალი, 6 ლარი, რჩება უცვლელი.

    ამგვარად, მძღოლი არაფერს არ კარგავს, ვინაიდან ეს 20 თეთრი თავიდანვე არ არის მისი და არც კომპანიის იმიტომ, რომ გახლავთ კონტაქტ-ცენტრის მომსახურების საფასური. მგზავრებს შეუძლიათ დაზოგონ თანხა იმ შემთხვევაში, თუ გამოიძახებენ ავტომობილს აპლიკაციის მეშვეობით, დანამატის გარეშე", - აცხადებენ "მაქსიმში".

    შეგახსენებთ, "მაქსიმსა" და დასაქმებულებს შორის ეს პირველი გაუგებრობა არ არის. 2018 წლის აპრილში აქციებს ქუთაისელი მძღოლებიც მართავდნენ, კომპანიას მაშინ ტარიფის შემცირებას უპროტესტებდნენ.

    ლიცენზია
    დატოვე კომენტარიკომენტარები (0)
    ჩაწერა სახელი

    Copyright © 2006-2019 by Resonance ltd. . All rights reserved
    ×