სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    თეა ბეჟიტაშვილი
    28.12.2013

    ახალ წელს საქართველოში განსაკუთრებულად აღნიშნავენ, ყველაზე განსაკუთრებული კი საახალწლო სუფრაა, სადაც შემწვარი გოჭიდან დაწყებული, ტკბილეულით დამთავრებული, ყველა პროდუქტია წარმოდგენილი. თუმცა, სუფრის მრავალფეროვნება თანხებზეა დამოკიდებული. ახალი წლის მოახლოებასთან ერთად ბაზრებში ხალხის რაოდენობა და პროდუქტების ფასი მატულობს. გამყიდველების აზრით, ფასები ახალი წლის წინა დღეებში უფრო მოიმატებს. ჩვენც გადავწყვიტეთ გაგვეგო, დაახლოებით რა დაუჯდება ოჯახს ქართული საახალწლო სუფრის გაშლა.

    მარიამ აფციაური
    28.12.2013

    გამოკითხულთა უმეტესობა ახალი წლის მოახლოებას ვერ გრძნობს. ამის მიზეზი მძიმე ეკონომიური ფონი, გადატვირთული სამუშაო გრაფიკი და უმუშევრობაა. მათი განმარტებით, შესაბამისი განწყობის შექმნა თავიდან ბოლომდე ფინანსებზეა დამოკიდებული.

    მარი ჩიტაია
    28.12.2013

    ლარის კურსის მერყეობა წინასაახალწლო ფასებზეც აისახა. მართალია, ბაზარი ამ დროს ტრადიციულად სიძვირით გამოირჩევა, მაგრამ სავალუტო კურსის ცვალებადობამ მოსახლეობას დამატებითი პრობლემები შეუქმნა.

    თამარ ურუშაძე
    28.12.2013

    სპეციალისტების განცხადებით, საახალწლო დღეებში გულის პრობლემები იმატებს, რადგან ადამიანები, რომლებსაც აწუხებთ ჭარბი წონა, აქვთ მაღალი პროტრომბინი, მიდრეკილება შაქრიანი დიაბეტისა და მაღალი არტერიული წნევის მიმართ, არ უფრთხილდებიან საკუთარ თავს და ახალი წლის დღეებში ჭარბი ალკოჰოლის მოხმარების შედეგად მძიმე პრობლემების წინაშე აღმოჩნდებიან ხოლმე.

    მარი ჩიტაია
    27.12.2013

    სურსათის ქართულ ბაზარზე ვადაგასული საკვების წილი უცნობია, თუმცა მათი მოცულობა ძალიან დიდია, რადგან უვარგისი სურსათის ამოღება სავაჭრო ქსელებიდან ინტენსიურად ხდება. ყოველდღიურად კანონდარღვევის უამრავი ფაქტი ვლინდება. ამიტომ ვადაგასული საკვების რეალიზაციისა და ეტიკეტირების წესის დარღვევის შემთხვევებზე, შესაძლოა, ფულადი სანქციები დაწესდეს.

    თაკო მათეშვილი
    26.12.2013

     თბილისელი მძღოლები პარკირების გაუარესებულ პრობლემებზე ჩივიან და ამბობენ, რომ ქალაქის ცენტრში მანქანის გაჩერება თითქმის შეუძლებელია. "სითი პარკში" კი აცხადებენ, რომ პარკინგის ადგილების გამოყოფა მერიის პრეროგატივაა და ისინი მხოლოდ იმ ადგილების მოწყობას უზრუნველყოფენ, რომელსაც მერია გამოყოფს. მერიაში გვაიმედებენ, რომ პრობლემის მოგვარებაზე მუდმივად ზრუნავენ, თუმცა ისიც ცხადია, რომ ეს "ზრუნვა" თბილისელ მძღოლებს ჯერ არ უგრძვნიათ.

    ელზა წიკლაური
    25.12.2013

    სტატისტიკის ეროვნული სამსახურის მონაცემებით, საქართველოში სიღარიბის დონე 2012 წელს 9,7%-ს შეადგენდა, რაც რეალურ მაჩვენებელს მნიშვნელოვნად ჩამორჩება. ექსპერტთა ერთი ნაწილი ამბობს, რომ 2012 წელს ეს ციფრი დაახლოებით 80% იყო, მეორე ნაწილის აზრით კი, დღეს ქვეყანაში სიღარიბის რეალური მაჩვენებლის დადგენა შეუძლებელია.

    მარიამ აფციაური
    25.12.2013

    დღეს საქართველოში ნაკლებად მოთხოვნადი სპეციალობებია - პედაგოგიკა, არქეოლოგია, ფსიქოლოგია და ზოგადად ჰუმანიტარული მეცნიერებები. მიზეზად ამ სფეროში სამუშაო ადგილების სიმცირე და დაბალი ანაზღაურება სახელდება.

    ელზა წიკლაური
    24.12.2013

    უცხოეთიდან დაბრუნებული მიგრანტების ოფიციალური სტატისტიკა არ არსებობს. ასევე უცნობია საზღვარგარეთ წასული საქართველოს მოქალაქეების ზუსტი რაოდენობაც. ასეთ სტატისტიკას დიასპორის საკითხების სამინისტრო არ აწარმოებსს, შსს-ს ოფიციალური მონაცემებით კი, 2013 წლის 11 თვეში საქართველოდან 36 015 ადამიანით მეტი გავიდა, ვიდრე შემოვიდა, რაც 2012 წლის მთლიან მონაცემთან შედარებით, თითქმის 15 ათასით მეტია.

    ქეთი თოდუა
    21.12.2013

    ახალი წლისთვის ადამიანთა უმრავლესობის მთავარი საზრუნავია, რომელი საჭმელი გააკეთოს, სად იყიდოს ინდაური, გოჭი, თაფლი, ტკბილეული, რამდენ ადამიანზე გაშალოს სუფრა, ეყოფა თუ არა სასმელი, როგორი გამოვა საცივი და ა.შ. ახალი წელი ის განსაკუთრებული დღესასწაულია, როდესაც რამდენიმე დღის განმავლობაში გიწევს სტუმრების მასპინძლობა და მოლხენა.

    თამარ ურუშაძე
    21.12.2013

    ახალი წელი ტრადიციულად მხიარულ წვეულებებთან, დიდი რაოდენობით სხვადასხვა კერძისა და ალკოჰოლის მიღებასთანაა დაკავშირებული. იმისათვის, რომ ორგანიზმმა ასეთ დატვირთვას გაუძლოს, სპეციალისტები გვირჩევენ, რომ ახალი წლის დადგომამდე დღის რაციონი მცენარეული პროდუქტებით გავამდიდროთ, მივირთვათ ბოსტნეულის - ჭარხლის, კომბოსტოს, სტაფილოს, მწვანილის სალათები. ეს პროდუქტები მდიდარია უჯრედისით.

    მაკა ხარაზიშვილი
    21.12.2013

    შიდა ქართლში ვაშლს ვერ ყიდიან. მოსახლეობა სოფლის მეურნეობის სამინისტროს დახმარებას სთხოვს. 1 ყუთი (20-22 კილოგარმი) მაღალი ხარისხის ვაშლის ღირებულება 7-10 ლარია. გორის საკრებულოში აცხადებენ, რომ ბოლო ერთი კვირაა, ვაშლის რეალიზაცია გააქტიურდა. დისტრიბუტორებს ეს ხილი აზერბაიჯანში, უკრაინასა და რუსეთში გააქვთ, თუმცა გლეხებამდე ამ დისტრიბუტორებმა ჯერ ვერ მიაღწიეს.


    Copyright © 2006-2020 by Resonance ltd. . All rights reserved
    ×