მარიამ აფციაური
16.01.2014

  გუდაურსა და ბაკურიანში დამსვენებლების ნაკლებობას უჩივიან. მიზეზად კურორტისთვის შეუსაბამო ამინდები, ინფრასტრუქტურის განუვითარებლობა და ელექტროენერგიის გაუმართავობა სახელდება. ვიზიტორების სიმცირეს არ ადასტურებენ ტურიზმის ეროვნულ ადმინისტრაციაში, პირიქით, ისინი წელს 18-20%-იან ზრდას ელოდებიან.

მაკა ხარაზიშვილი
15.01.2014

საქართველოში ტურიზმი მცირედით გაიზარდა და თბილისის საერთაშორისო აეროპორტი მგზავრებს ვეღარ იტევს. უკვე დიდი ხანია, აეროპორტში მრავალწუთიანი რიგები მგზავრთა უკმაყოფილებას იწვევს. ზოგადად აეროპორტი ისეა გადატვირთული, რომ ხანდახან დარბაზში სანთქვაც კი ჭირს. გარდა ამისა, მოუწესრიგებელია თავად დარბაზიც.

მარიამ აფციაური
15.01.2014

ეკლესიის მიმართ ქართველების დამოკიდებულება შეიცვალა. 100-დან 70 ადამიანი წირვა-ლოცვას ესწრება, მარხულობს. სწორედ ამიტომაც საზოგადოების ერთმა ნაწილმა უპირატესობა ძველით ახალ წელს მიანიჭა. მათი აზრით, ეს დღესასწაული ქრისტეშობის შემდეგ უნდა აღინიშნებოდეს.

ელზა წიკლაური
14.01.2014

 საქართველოში უმუშევართა რაოდენობა 30 ათასი ადამიანით შემცირდა - ასეთ განცხადებას ფინანსთა მინისტრი ნოდარ ხადური აკეთებს, თუმცა რომელ სექტორში მოხდა ამ რაოდენობის ადამიანთა დასაქმება, არ აკონკრეტებს. მიუხედავად დასაქმებულთა რაოდენობის ზრდისა, მთავრობა უმუშევრობის პრობლემის გადაწყვეტას ახალი პროგრამის - სამუშაოს მაძიებელთა აღრიცხვით იწყებს. უკვე ცნობილია, რომ პირველ ეტაპზე პროგრამაში ჩართვა როგორც სამუშაოს არმქონე, ისე იმ პირებსაც შეეძლებათ, რომლებსაც სამუშაო უკვე აქვთ.

სალომე სარიშვილი
13.01.2014

 ვახო შამუგია

უკვე ერთი თვეა, რაც თბილისში, მოსკოვის გამზირზე მიუსაფარ პირთათვის დროებითი თავშესაფარი ფუნქციონირებს. ტერიტორიაზე ოცი დიდი სამხედრო კარავია გაშლილი, სადაც ორასამდე უსახლკარო მოქალაქე თავს ზამთრის ყინვებს აფარებს. იქვე არის საგანგებო სიტუაციების მართვის ცენტრის მიერ გაშლილი ე.წ. "ლურჯი კარავი", რომელიც საველე საავადმყოფოს ფუნქციას ასრულებს და სადაც ინფექციური დაავადებების მქონე პირებს მკურნალობენ.

თეა ბეჟიტაშვილი
13.01.2014

სოციალურ ქსელში აბიტურიენტთა გაერთიანება "აბიტურიენტთა თანადგომამ" აქცია დააანონსა - ისინი ზოგადი უნარების ვერბალური ნაწილისთვის მეხუთე სავარაუდო პასუხის დამატებას, ინგლისურ ენაში დავალებათა რიცხვის გაზრდას და დროის არდამატებას აპროტესტებენ. "აბიტურიენტთა თანადგომა" და აბიტურიენტები ზუგდიდსა და საქართველოს სხვა ქალაქებში 20 იანვარს 11 საათზე საგანმანათლებლო რესურსცენტრის წინ შეკრებასა და აქციის გამართვას აპირებენ.

მარიამ აფციაური
11.01.2014

ისეთი საბოლოო პროდუქტები, რომლებიც საქართველოსთან ასოცირდება, არც თუ ცოტაა. მაგალითად, ჩურჩხელა, "ბორჯომი", ჩოხა-ახალუხი, ხინკალი, ხაჭაპური, საცივი, ღვინო და კიდევ მრავალი სხვა. ქართული პროდუქცია (ის, რაც მხოლოდ საქართველოშია) უცხო ქვეყნის მოქალაქეებისთვის ბრენდი, ხოლო ჩვენთვის ისტორია, კულტურა, ტრადიციაა.

თამარ ურუშაძე
11.01.2014

ადამიანების უმეტესობა გასტროენტეროლოგებს ახალი წლის შემდგომ პერიოდში აკითხავს, რადგან საახალწლო პერიოდში ორგანიზმი ძალიან იტვირთება, რაც გამოწვეულია მრავალფეროვანი საკვებით, ჭარბი ალკოჰოლის მოხმარებით, ერთმანეთთან შეუსაბამო საკვები პროდუქტების მიღებით და უმოძრაობით. განსაკუთრებით მძიმეა ეს პერიოდი მათთვის, ვინც მარხვას ინახავს, რადგან მარხვის პერიოდში ორგანიზმი მძიმე საკვები პროდუქტებიდან ისვენებს და შემდგომ ერთბაშად ხდება ამ საკვების მიღება, რაც დიდ ზიანს აყენებს ადამიანის ორგანიზმს. ამ თემასთან დაკავშირებით უფრო დეტალურად გვესაუბრება სახელმწიფო სამედიცინო უნივერსიტეტის ასოცირებული პროფესორი, მედიცინის მეცნიერებათა დოქტორი, გასტროენტეროლოგი ირაკლი ხმალაძე და ენდოკრინოლოგ-დიეტოლოგი ნაია ლატარია.

მაკა ხარაზიშვილი
10.01.2014

1-ელი აპრილიდან, დაახლოებით, 300-350 ათას დასაქმებულს, საშემოსავლო გადასახადის სახით, მაქსიმუმ 360 ლარი უკან დაუბრუნდება. ეს ეხება იმ ადამიანებს, რომელთა თვიური ხელფასი 500 ლარზე დაბალია.

მარიამ აფციაური
10.01.2014

მოსახლეობის მოლოდინი არც 2013 წელს გამართლდა. ხალხს იმედი ჰქონდა, რომ ეკონომიკური გარემო ქვეყანაში და მათ ოჯახში გაუმჯობესდებოდა, მაგრამ ასე არ მოხდა. უმუშევრობა, დაბალი შემოსავალი, პროდუქტზე ფასის ზრდა - ეს ის სამი კომპონენტია, რაც საზოგადოებას განსაკუთრებით აწუხებს. გამოკითხულთა ნაწილს არც 2014 წლის იმედი აქვს.

ელზა წიკლაური
09.01.2014

თბილისში ენერგოვაუჩერების პროგრამის განხორციელება ისევ კითხვის ნიშნის ქვეშ დგას. საკრებულოს მიერ დედაქალაქის 2014 წლის ბიუჯეტის ჩაგდების შემდეგ აღნიშნული პროგრამის ამოქმედება გადავადდა. მიიღებენ თუ არა თბილისელები დენის, დასუფთავებისა და წყლის გადასახადზე 20-20 - ლარიან დახმარებას 5 თვის განმავლობაში, თბილისის მერიაში ჯერჯერობით არ იციან.

მარიამ აფციაური
08.01.2014

შობას საქართველოს სხვადასხვა კუთხეში სხვადასხვაგვარად აღნიშნავენ. გურიაში სუფრის აუცილებელი ატრიბუტი ღვეზელია, აჭარაში ბაქლავას აცხობენ, ხოლო სვანეთში საკლავით ხვდებიან. ყველაზე გავრცელებულ ტრადიციებად კი ალილო და შობის ღამეს სარკმელთან სანთლის ანთება მიიჩნევა.


Copyright © 2006-2020 by Resonance ltd. . All rights reserved
×