სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    ქეთი თოდუა
    25.02.2011

    მოსალოდნელი ამინდის შესახებ ინფორმაციის მიღება ძალიან მარტივია. შეგიძლიათ ამისათვის ინტერნეტი გამოიყენოთ. ქართულ თუ უცხოურ საიტებზე მომენტალურად ნახავთ როგორი ამინდია მოსალოდნელი და მომავალი რამდენიმე დღის პროგნოზსაც გაიგებთ. ამინდის პროგნოზს საინფორმაციო გადაცემების ყურების დროსაც შეიტყობთ, როდესაც რომელიმე წამყვანი გაზეპირებულ სიტყვებს ყოველდღიურად იმეორებს.

    გიორგი ფუტკარაძე
    24.02.2011

    მარტის ბოლოდან თბილისში სამარშრუტო მიკროავტობუსებით მგზავრობა 70 თეთრი გახდება. სატრანსპორტო პროფკავშირების ინფორმაციით, ახალი გადამზიდავები, რომლებიც მერიასთან ოფიციალურ ხელშეკრულებას პირველი მარტიდან გააფორმებენ, მგზავრობის გაძვირებას გეგმავენ, მიზეზად კი საწვავის ფასის ზრდა და მძღოლების მიერ შესასრულებელი გეგმა სახელდება.

    ქეთი თოდუა
    23.02.2011

    ახალი მობილური ტელეფონი, ლეპტოპი, მანქანა თუ ტელევიზორი - ეს ის საგნებია, რომლითაც თბილისელებს და არა მარტო მათ, თავის მოწონება უყვართ. თუმცა საკვებზე ფასების ზრდის გამო ბოლო პერიოდში თავის მოწონებამ უკან გადაინაცვლა და მნიშვნელოვანი პირველადი მოთხოვნილებების დაკმაყოფილება გახდა. როგორც მოსალოდნელი იყო, საკვები პროდუქტების გაძვირებამ, გადასახადების გაზრდამ გავლენა საყოფაცხოვრებო ნივთების შეძენაზეც იქონია.

    ელზა წიკლაური
    22.02.2011

    საქართველოში 26 ათასი მდინარე კი არის, მაგრამ მოსახლეობისთვის სასმელი წყლის სამომხმარებლო ტარიფი საკმაოდ მაღალია. აქ ერთი ადამიანი წყლის მოხმარებისთვის თვეში 3,15 ლარს იხდის, აზერბაიჯანში - 3,30 თეთრს, სომხეთში კი ეს გადასახადი სულ რაღაც 0,99 ლარია. ამ ციფრებიდან აშკარაა, რომ საქართველოში სამხრეთ კავკასიის რეგიონში არა მარტო ინფლაციის მაჩვენებლითაა ლიდერი, არამედ წყლის გადასახადიც საკმაოდ მაღალია, რამდენადაც, როგორც იტყვიან, ჩვენთან წყალი ყველა ფეხის ნაბიჯზეა, აზერბაიჯანში და სომხეთში კი მისი აშკარა სიმწირეა.

    მაკა ხარაზიშვილი
    22.02.2011

    მუშები, რომელიც ქვეყნის საიმიჯო გზებს აგებენ ხელფასებს ვერ იღებენ. თითქმის 2 წელია "გზამშენი 11"-ის მუშები კუთვნილი ხელფასის მიღებას ითხოვენ, მაგრამ სულ უშედეგოდ. თვეების განმავლობაში დაგროვილი სახელფასო დავალიანება 440 ათას ლარზე მეტია. საქალაქო სასამართლოს განჩინებით კომპანიის ხელმძღვანელობას დავალიანების დაფარვა დაევალა, თუმცა გაკოტრებული ორგანიზაციის ქონება ბანკმა ვალში წაიღო. კომპანიის ხელმძღვანელი, როსტომ მიქაუტაძე, რომელმაც ასიათასობით თანხა გაფლანგა სხვა თანამდებობაზე გადაიყვანეს, ხოლო მუშები, როგორც საქართველოში ყველაზე დაუცველი ფენა, პირში ჩალაგამოვლებულები დარჩნენ. ამჯერად, მათ სამართლიანობის აღსადგენად მთავრობისა და ხელისუფლების იმედი აქვთ.

    მარი ჩიტაია
    22.02.2011

    ავტომობილების სიგნალიზაციის მონტაჟზე ბოლო დროს მოთხოვნამ მოიმატა. მემონტაჟეები ამის მიზეზად ავტომანქანების ძარცვის ფაქტების ზრდას ასახელებენ. მათი თქმით, მართალია, ახლა ავტომანქანებს აღარ იპარავენ, მაგრამ გახშირდა, ძარცვის შემთხვევები, რის მიზეზიც ხშირად ავტომანქანების დაუცველობაა.

    ელზა წიკლაური
    22.02.2011

    სახელმწიფო სამედიცინო დაზღვევის პროგრამასა და სადაზღვევო კომპანიების მომსახურებასთან დაკავშირებით კრიტიკული განცხადებები სულ უფრო და უფრო ხშირად ისმის. კონტროლის პალატის დასკვნის შემდეგ სამედიცინო სტანდარტებსა და სადაზღვევო კომპანიების მიერ გაწეული სამედიცინო მომსახურების ხარისხზე პოლიტიკოსებიც ალდაპარაკდნენ.

    მაკა ხარაზიშვილი
    19.02.2011

    საქართველოს ყველაზე გაჭირვებული მოსახლეობის ნაწილი ენერგოვაუჩერებს ვერ იღებს. მთავრობამ ვაუჩერების დარიგება იმ კონტინგენტისთვის გადაწყვიტა, რომელიც 6 თვის განმავლობაში ელექტროენერგიას უწყვეტად იღებს და 200 კვტ/სთ-ზე მეტი აქვს დახარჯული. აღმოჩნდა, რომ ელექტროენერგიას უწყვეტად და ყველაზე უხვად შეძლებულები მოიხმარენ. იმ ადამიანების ნაწილი კი, რომლებიც უსახსრობის გამო ეკონომიას ეწეოდნენ და გადაუხდელობის გამო ელექტროენერგია გამორთული ჰქონდათ, პროგრამის მიღმა დარჩნენ.

    ქეთი თოდუა
    19.02.2011

    ქართულ ტრადიციულ ოჯახებში, როგორც წესი, რამდენიმე თაობა ერთად ცხოვრობს. ბებია-ბაბუა, დედ-მამა და შვილები შეიძლება ერთ ჭერქვეშ ცხოვრობდნენ და ეს არავის უკვირს. მათ გარდა ოჯახში სხვა ადამიანებსაც ხშირად შეხვდებით. სრულიად მიღებულია სახლში აცხოვროთ სოფლიდან ჩამოსული ახლო თუ შორეული ნათესავები, მეგობრები და ასე შემდეგ.

    მარი ჩიტაია
    18.02.2011

    სასურსათო ვაუჩერებს საქართველოს მოსახლეობა მარტიდან მიიღებს. ინფორმაცია, თუ საიდან გაიცემა ამისთვის თანხები და პროგრამა რა გზით დაფინანსდება, ოფიციალურ სტრუქტურებში ჯერ არ ახმოვანებენ. ცხადია, სახელმწიფო ბიუჯეტში სასურსათო ვაუჩერებისთვის თანხა არ არის გაწერილი და მისი გაცემის შესაძლებლობა ხელისუფლებას რეალურად არ გააჩნია. ამდენად, მთავრობის ან პრეზიდენტის სარეზერვო ფონდებიდან პროგრამის დაფინანსება წარმოუდგენელია. ძნელად გასარკვევია, რას გულისხმობენ ხელისუფლების პირველი პირები, როცა თამამად აცხადებენ, რომ ვაუჩერების გასაცემად თანხები სახელმწიფოს დარეზერვებული აქვს.

    ლანა ბერიძე
    18.02.2011

    ტელეკომპანია "მაესტრო" თანამგზავრიდან მაუწყებლობას უახლოესი ათი დღის განმავლობაში აღადგენს. როგორც "რეზონანსს" არხის გენერალურმა დირექტორმა ბაჩო კიკაბიძემ განუცხადა, ხელშეკრულება უკვე გაფორმებულია თურქულ კომპანია "თურქსატთან". მისი მომსახურების ფასი ყოველთვიურად 18-დან 22 ათას დოლარამდე მერყეობს. რაც შეეხება იმას, თუ რა სახსრებით გადაიხდის ამ თანხას ტელეკომპანია, რომელიც არც ისე დიდი ხნის წინ სერიოზული ფინანსური პრობლემების წინაშე აღმოჩნდა, კიკაბიძე ამას არ აკონკრეტებს.

    ელზა წიკლაური
    17.02.2011

    "თბილისი სასინჯი ქვაა, თუ თბილისელები კომუნალური გადასახედების ერთიან ადმინისტრირებას ჩვეულებრივად მიიღებენ, ჩათვალეთ, რომ შემდგომ ასეთივე წესი რეგიონებშიც, კერძოდ კი დიდ ქალაქებშიც ამოქმედდება", - ვარაუდობს ლეიბორისტი სამსონ გუგავა და მთავრობას ასეთი გადაწყვეტილების მიღებას არ ურჩევს. სემეკში კი აცხადებენ, რომ კომუნალური გადასახადების ერთიანი ადმინისტრირების წესი მხოლოდ თბილისშია და ის სხვა ქალაქებში არ ამოქმედდება.


    Copyright © 2006-2018 by Resonance ltd. . All rights reserved