სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    მარი ოთარაშვილი
    23.07.2010

      მომავალი წლიდან ორდონიანი განათლების სისტემა ამოქმედდება. მათ, ვისაც პროფესიული განათლების მიღების სურვილი ექნებათ, შეუძლიათ, მხოლოდ 10 კლასის განათლება მიიღონ. ხოლო ვისაც უმაღლესი განათლების მიღება სურს, 12 კლასს დაასრულებს.

    ნანა ლაღაძიშვილი
    23.07.2010

      საქართველოს მაღალმთიან რაიონებში რიგით თბილისელებს არცთუ იშვიათად უწევთ გამგზავრება. ამ შემთხვევაში "ცე კლასის მერსედესი", თუ "ბეემვე", რამდენი ცხენის ძალაც უნდა ჰქონდეს, ვერ მოგემსახურებათ. ასეთი პირობებისათვის საჭიროა "ჯიპი" ან "ნივა", რომელიც ყველგან მივა, ან სულაც საბჭოთა წარმოების "კოლხოზნიკი", რომელსაც არა მარტო თბილისში, არამედ რეგიონებშიც უკვე ძალიან იშვიათად შეხვდებით.

    მაკა ხარაზიშვილი
    23.07.2010

      მსოფლიოში რამდენიმე სახის პროდუქტი დეფიციტური ხდება, რაც თავისთავად საქართველოს სამომხმარებლო პროდუქტის ფასებზეც გავლენას მოახდენს. ეს განსაკუთრებით საკონდიტრო ნაწარმს ეხება. კაკაოსა და თხილს წლეულს, შეიძლება, ხორბლის დეფიციტიც დაემატოს. მეპურეების განცხადებით, მათ ნედლეული უკვე გაუძვირდათ. ვინაიდან მთავრობა პურის გაძვირების საშუალებას არ იძლევა, შედეგი უფრო საგანგაშოა, მაღაზიებში ჯანმრთელობისთვის მავნე უფრო გაფუებული და წონაში დაკლებული პური იყიდება.

    ლანა ბერიძე
    22.07.2010

      გუშინ ტელეკომპანია "კავკასიაში" მომხდარ ინციდენტთან დაკავშირებით დაკავებული 8 პირის სასამართლო პროცესი თბილისის საქალაქო სასამართლოში განახლდა. პროცესზე 6 მოწმე დაიკითხა, მომდევნო განხილვა კი დღეს 2 საათზე და 23 ივლისს 11 საათზე მოხდება.

    ნანა ლაღაძიშვილი
    22.07.2010

      იტალიელებს ერთი მეტად უცნაური საახალწლო ჩვეულება აქვთ. დადგება თუ არა ახალი წელი, ფანჯრიდან ძველ ნივთებს ყრიან. გერმანელები კი ძველ ნივთებს პირდაპირ ქუჩაში ალაგებენ. მისი წაღება ნებისმიერ მეძველმანეს შეუძლია. ქართველებს კი, როგორც სიძველის განსაკუთრებულად მოყვარულებს, მავანი ევროპელი მეძველმანე დაასწრებს? ჰოდა, გაივსო საქართველო მოძველებული ევროპული ავეჯით და აპარატურით.

    მარი ჩიტაია
    22.07.2010

      წელს კახეთში რთველი 24 აგვისტოს დაიწყება. ამის შესახებ განცხადება სოფლის მეურნეობის მინისტრმა ყვარელში გამართულ მთავრობის სხდომაზე გააკეთა. მოსავლის მოსალოდნელი რაოდენობა ბაკურ კვეზერელმა პრეზიდენტს ვერ განუმარტა იმ მარტივი მიზეზის გამო, რომ სამინისტროს პროგნოზირების სამსახური არ გააჩნია. ამ ეტაპისთვის კვეზერელი შემოიფარგლა იმ მწირი ინფორმაციით, რომ კახეთის მასშტაბით მიმდინარე წელს, ყურძნის მიმღები 34 პუნქტი იმუშავებს. 10 დღის შემდეგ კი მოსავლის ზუსტი პროგნოზი დაიდება და ბიუჯეტი გაიწერება.

    გიორგი ფუტკარაძე
    22.07.2010

      "გარემოს ექსტრემალურად მაღალი ტემპერატურის პირობებში ჯანმრთელობის დასაცავად მნიშვნელოვანია გაითვალისწინოთ, რომ მიიღოთ დიდი რაოდენობით სითხე... მაქსიმალურად უნდა ვერიდოთ მწერებს. შებინდებისას გამოფრინდებიან ხოლმე ლეიშმანიოზის გადამტანები, ამიტომ პატარა ბავშვები ოთხ წლამდე ქუჩაში ნუ ისეირნებენ," - აცხადებს დაავადებათა კონტროლის ეროვნული ცენტრის ხელმძღვანელი პაატა იმნაძე, რომელსაც "რეზონანსი" ზაფხულში მოსალოდნელ გართულებებთან დაკავშირებით ესაუბრა.

    მარი ჩიტაია
    21.07.2010

      უძრავი ქონების დაბეგვრასთან დაკავშირებით მთავრობამ დამოკიდებულება შეიცვალა. დიდი ხნის ჭოჭმანის შემდეგ, ახალი საგადასახადო კოდექსის ავტორებმა დათმობა ამჯობინეს. მთავრობა და პარლამენტი ამჟამად შეთანხმდნენ, რომ ახალ კოდექსში დღეს მოქმედი ვარიანტი დარჩება, ანუ ქონების რეალიზაცია მხოლოდ მაშინ დაიბეგრება თუ ის საკუთრებაში 2 წელზე მეტი ხნით არის.

    ლანა ბერიძე
    20.07.2010

      ეთიკის საბჭოს სამმა წევრმა გაზეთ "თავისუფალი სიტყვის" რედაქტორის ელისო ჯანაშიას საჩივარი წარმოებაში მიიღო. კერძოდ, ჯანაშია რეგიონალური ტელევიზიის "მეცხრე ტალღის" სამ ჟურნალისტს უჩივის. საჩივრის დასაშვებობა ამჯერად საბჭოს სამმა წევრმა - ირაკლი აბსანძემ, მერაბ მერკვილაძემ და ლიკა ჩახუნაშვილმა განიხილეს და მიიჩნიეს, რომ საჩივარი საფუძვლიანია და განხილვას ექვემდებარება.

    მარი ჩიტაია
    20.07.2010

      მიმდინარე წელი გაზრდილი სამომხმარებლო ფასებითა და ყოფითი პრობლემების სიუხვით გამოირჩევა. თბილისური ოჯახების უმეტესობა არ მალავს, რომ ფინანსურ ხელმოკლეობას განიცდის. უმეტეს შემთხვევაში, ამის მიზეზად სამსახურის დაკარგვას და უმუშევრობას ასახელებენ.

    ნანა ლაღაძიშვილი
    20.07.2010

      საზღვაო სეზონი გახურდა და მოსახლეობის ის ნაწილი, რომელმაც გამონახა საშუალება ზაფხულის რამდენიმე დღე მაინც გაატაროს ზღვაზე, სამზადისს "შოპინგით" იწყებს. უჩვეულო არაფერია იმაში, რომ ამ მხრივ განსაკუთრებით ქალბატონები აქტიურობენ. როგორც ირკვევა, სავაჭრო ქსელებში ამ პერიოდში ყველაზე მაღალი მოთხოვნა სწორედ საზღვაო აქსესუარებზეა.

    მარი ჩიტაია
    20.07.2010

      ქართულ ბაზარზე შაქარი 15-20 თეთრით გაძვირდა. არ არის გამორიცხული, ტენდენცია გაგრძელდეს მომავალშიც, რასაც სეზონიც ხელს უწყობს. მსოფლიო ბაზარზე კი კვლავაც სტაბილური ვითარებაა. მიუხედავად ამისა, შაქარი ადგილობრივ ბაზარზე გაორმაგებული ფასით იყიდება.


    Copyright © 2006-2018 by Resonance ltd. . All rights reserved