სისხლიანი გარჩევა გოგონებს შორის - რუსთავში 21 წლის გოგონა 18 წლის მეგობარმა  გოგომ დაჭრა. მას დაზიანებები ცივი იარაღით მუცლის არეში მიაყენეს. ამ დროისთვის უცნობია რა გახდა ახალგაზრდა ქალებს შორის დაპირისპირების მიზეზი. ჩხუბი სასტუმროსთან მოხდა. თვითმხილველები მხოლოდ იმას ამბობენ, რომ დაჭრას წინ გოგონებს შორის სიტყვიერი შელაპარაკება უძღოდა. შემთხვევა გამთენიისას მოხდა. ადგილობრივები ამბობენ, რომ 18 წლის გოგონა არაფხიზელ მდგომარეობაში იმყოფებოდა. 

თერჯოლაში მოხმდარი უმძიმესი ფემიციდის ფაქტის შემდეგ, საზოგადოებაში კვლავ გაჩნდა კითხვა, როგორ უნდა ვებრძოლოთ ამ პრობლემას, რომელმაც ქვეყანაში უმძიმესი სახე მიიღო. საზოგადოება გუშინ თერჯოლაში ქალის მკვლელობის სისასტიკემ შესძრა, რადგანაც ყოფილმა ქმარმა, ცოლს სამსახურში მიაკითხა, ოთახში გამოკეტა, სახეში, სავარაუდოდ, ბენზინი  ან ასაფეთქებელი ნივთიერება შეასხა და ცოცხლად დაწვა. შემდეგ კი ცეცხლი მასაც მოეკიდა  ან თვითმკვლელობა სცადა. განწირული ქალის კივილი თანამშრომლებმა გაიგეს, მაგრამ კარის გაღება და მისი დახმარება ვერ შეძლეს. მის მისაშველებლდ მივარდნილ ორ თანამშრომელს დაზიანებები აღენიშნებათ.   

14 წლისს გოგონას გაუპატიურების ფაქტზე უკვე მეოთხე  დღეა პოლიცია 23 წლის მამაკაცს ეძებს. საქმეზე ასევე დაკავებულია მოზარდის მამა, რომელმაც გოგონაზე ფიზიკურად მას შემდეგ იძალადა, რაც გაუპატიურების ფაქტის შესახებ ბავშვმა მშობლებს მოუყვა. 

იძალადა თუ არა რეალურად 28 წლის მამაკაცმა 8 წლის ძმისშვილზე სექსუალურად, ახლა ეს გამოძიებამ უნდა დაადგინოს. მამაკაცს ძმის ცოლი ძმისშვილზე სექსუალური ხასიათის ძალადობაში ადანაშაულებს და ამტკიცებს, რომ მან ბავშვზე გარყვნილი ქმედება განახორციელა. 

ზუგდიდში 15 წლის საბა მამფორიას მკვლელობის ირგვლივ სხვადასხვა ვერსიები ვრცელდება. თავდაპირველად მედიაში გაჩნდა ინფორმაცია, რომ დაპირისპირება მოზარდებს შორის შელაპარაკების გამო მოხდა და საბა მამფორია მხოლოდ გამშველებელი იყო. ახალი ინფორმაციით კი, ტრაგედიის მიზეზი შესაძლოა ერთი ესემეს შეტყობინება გამხდარიყო.

სისხლიანი გარჩევა ზუგდიდში მესხიას ქუჩაზე მდებარე მინი-სტადიონზე მსხვერპლით დასრულდა. მოზარდებს შორის დაპირისპირებას 15 წლის ბიჭის საბა მამფორიას სიცოცხლე შეეწირა. მას 17 წლის ახალგაზრდამ ცივი იარაღით რამდენიმე ჭრილობა მიაყენა. 

ერეკლე მეორის ეპოქა, რომელიც გარდამტეხი გახლდათ რუსულ ქართული ურთიერთობისათვის, იმგვარად დაამახინჯა რუსულმა, საბჭოურმა თუ პოსტსაბჭოთა პერიოდის ისტორიოგრაფიამ, რომ შედეგად უამრავი ანაქრონიზმი მივიღეთ. ამ თემაზე არსებული ერთმანეთის გამომრიცხველი არაერთი მოსაზრება უჩენს უამრავ თავსატეხს დაინტერესებულ მკითხველს. საბჭოურ, სტალინურ ფორმულებს მორგებული რუსეთისა და საბჭოთა კავშირის საგარეო პოლიტიკის კვლევის სტრატეგია და მეთოდები ტოვებს უამრავ კითხვას. 

მიუხედავად უდიდესი მცდელობისა და ინტელექტუალური რესურსებისა, საბჭოურმა იდეოლოგიამ ვერ შესძლო იმ ვაკუუმის შევსება, რაც დარჩა ამ უმნიშვნელოვანესი ეპოქის საბჭოურ თარგზე მორგების შემდეგ. ევროპის არქივებში დაცული მასალები სწორედ ის მტკიცებულებებია, რომელნიც ამხელენ საბჭოური ისტორიოგრაფიის იდეოლოგიურ მანიპულაციებს, რომლის შედეგად ყველაზე დიდი ანტირუსული განწყობის მქონე ერეკლე მეორე რუსთმადიდებლად გამოაცხადეს.

სასტიკი მკვლლეობა კახეთში - 25 წლის ბიჭს სოფელ შილდაში ნათესავთან ერთად მოლხენა სიკვდილის ფასად დაუჯდა. როგორც ადგილობრივები „რეზონანსთან“ ყვებიან, გიგა არჯევანიშვილი სასიკვდილოდ 37 წლის მისავე ნათესავმა გაიმეტა. ენისელიდან სოფელ შილდაში მისულ ახალგაზრდას, დანით ჭრილობები, სავარაუდოდ, ნათესავმა მიაყენა - ბიჭს დანა ყელში ჩაარტყა და არტერიის გადაჭრის გამო ის სისხლისგან დაიცალა. მკვლელობამდე კი სავარაუდოდ, ხელჩართული ჩხუბი იყო. მოკლული ახალგაზრდას ნათესავები ამბობენ, რომ ბიჭს სხეულზე და სახეზე ცემის კვალი აღენიშნება.

სირცხვილი და თავის მოჭრა „ნაციონალურ მოძრაობას", სააკაშვილიდან ხაბეიშვილამდე რომ მიხვალ, მაგრამ რა უნდა ქნა, ასეთი სისწრაფით რომ მიექანები უფსკრულისკენ, შემდეგი თავმჯდომარე აუცილებლად მაჭუტაძე იქნება - ასე ეხმაურება პოლიტოლოგი ედიშერ გვენეტაძე „ნაციონალურ მოძრაობაში" შიდაპარტიულ არჩევნებთან დაკავშირებით მიმდინარე პროცესებს.

კიდევ ერთი სავარაუდო ფემიციდის მსხვერპლი თბილისში. გოგოლის ქუჩაძე 36 წლამდე ქალი 22 წლის კაცმა მოკლა. როგორც ადგილობრივები „რეზონანსთან“ ყვებიან, მსხვერპლს მამაკაცი ახალი გაცნობილი ჰყავდა. თვითმხილველები ამბობენ, რომ მკვლელობის ფაქტამდე კამერებმა წყვილის ჩხუბი დააფიქსირა. მათ ბიჭი ქალთან ერთად  დაინახეს, თუმცა კონკრეტულად მკვლელობის დღეს ჩხუბის ხმა არ გაუგონიათ. მამაკაცმა ქალი, სავარაუდოდ, ცივი იარაღით მოკლა და მას სხეულზე რამდენიმე ჭრილობა აღენიშნება. მოკლული ქალი იტალიურ ეზოში, ეჭვმიტანილის მიერ ნაქირავებელ ბინაში ნახეს. ადგილორბივები ამბობენ, რომ მათ მეზობლად მამაკაცი ცოხვრობდა და არა ქალი. მას ბინა ახალი ნაქირავებელი ჰქონდა.   

„ეს იყო ერთ მსახიობზე აგებული პარტია, რომელიც დგამდა პოლიტიკურ პერფორმანსებს. როგორც კი ეს მსახიობი გაქრა, ორგანიზაცია ჩაკვდა, რადგან დროულად ვერ მოხდა თაობათა ჩანაცვლება" - ასე აფასებს პოლიტიკური მარკეტინგის სპეციალისტი, პროფესორი კახაბერ ჯაყელი მთავარ ოპოზიციურ პარტიაში მიმდინარე პროცესს.

ბავშვების მოტყუებით გატაცების კიდევ ერთი  მცდელობა ახლა უკვე გორის რაიონში დაფიქსირდა. სოფელ სკრაში სკოლასთან ბავშვებს მშობლები ხვდებიან და ისე მიყავთ სახლში. სკოლის ირგვლივ კი უკვე ორი დღეა პოლიცია პატრულირებს. ბავშვები და მათი მშობლები ამტკიცებენ, რომ სასწავლო პროცესიდან გამოსულ მოსწავლეებს, თეთრი ჯიპით უცხო მამაკაცები ხვდებიან და თანხის სანაცვლოდ გასეირნებას სთავაზობენ. ფაქტზე არა ერთი მოსწავლე საუბრობს და ამბობენ, რომ უკვე რამდენიმე მსგავსი შემთხვევა დაფიქსირდა.