ია აბულაშვილი
02.06.2019

 უკრაინა შეიძლება აშშ-ს მთავარი მოკავშირე გახდეს ნატოს გარეთ. ამის შესახებ ინფორმაციას ვაშინგტონში უკრაინის საელჩო ავრცელებს. 

პროექტის სრული სახელწოდებაა „კანონი უკრაინის მხარდაჭერის შესახებ მისი დამოუკიდებლობის, სუვერენიტეტისა და ტერიტორიული მთლიანობის დაცვაში“. საელჩოს ცნობით, იგი აშშ-ის კონგრესში განსახილველად უკვე შეტანილია.  

უკრაინის დიპლომატიური უწყების ოფიციალურ ვებ-გვერდზე ასევე აღნიშნულია, რომ კანონპროექტი ოფიციალური კიევისათვის ტანკსაწინააღმდეგო, ჰაერსაწინააღმდეგო და რაკეტსაწინააღმდეგო შეირაღების მიწოდებას ითვალისწინებს. გარდა ამისა, აშშ ასევე დაეხმარება უკრაინას რუსეთის მხრიდან კიბერშეტევისაგან დაცვაში და უკრაინის ნებისმიერი ტერიტორიული ცვლილების წინააღმდეგ ბრძოლაში, „რომელიც ძალადობრივი გზით განხორციელებული“.

შეგახსენებთ, რომ რამდენიმე დღის წინ აშშ-ის პრეზიდენტმა დონალდ ტრამპმა უკრაინის ახალარჩეული პრეზიდენტი ვლადიმირ ზელენსკი ვაშინგტონში ოფიციალური ვიზიტით მიიწვია.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×