სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    თამარ შუკვანი
    13.06.2019

     „აშშ-სა და თურქეთს შორის დაძაბულობა გაღრმავდება, რაც ძალიან ცუდია - "ეს-400"-ის თემამ არა მხოლოდ ტექნიკური, არამედ პოლიტიკური პრობლემა შექმნა. ნატო-ს წევრებს შორის ერთგვარი განხეთქილება წამოვიდა, რასაც რეალურად პუტინმა მიაღწია," - ასე აფასებს „რეზონანსთან" ჟურნალ „არსენალის" მთავარი რედაქტორი ირაკლი ალადაშვილი თურქეთის გადაწყვეტილებას, რუსეთისგან „ეს-400" ტიპის საზენიტო კომპლექსის შეძენის შესახებ საუბრისას.

    მიუხედავად აშშ-ს ულტიმატუმისა, თურქეთმა რუსეთისგან საზენიტო კომპლექსები უკვე შეიძინა. ამის შესახებ განცხადება, თურქეთის პრეზიდენტმა, რეჯეფ თაიფ ერდოღანმა ანკარაში სიტყვით გამოსვლისას გააკეთა.

    „მე არ ვამბობ, რომ თურქეთი შეიძენს "ეს-400"-ს. მე ვამბობს, რომ თურქეთმა ეს შეიარაღება უკვე შეიძინა და ეს დამთავრებული ამბავია. "ეს-400"-ებს თურქეთში ივლისში ჩაიტანენ," - განაცხადა ერდოღანმა.

    ალადაშვილის განცხადებით, ნატო-ს წევრ ორ სახელმწიფოს შორის ურთიერთობა უფრო მეტად დაიძაბება. მისი თმით, ვაშინგტონს ანკარაზე ზემოქმედებისათვის სერიოზული პოლიტიკური ბერკეტები გააჩნია.

    „თურქეთის პრეზიდენტმა საბოლოოდ განაცხადა, რომ ის გადაწყვეტილებას არ შეცვლის, - „ეს-400"-ები შესყიდულია და ივლისში თურქეთში იქნება ჩატანილი. ეს, რა თქმა უნდა ურთიერთობას ამერიკულ მხარესთან დაძაბავს, რაც პირველ რიგში, თურქეთისთვის „ეფ-35"-ების გადაცემას შეეხება, მიუხედავად იმისა, რომ თურქეთს გარკვეული თანხა წინასწარ თვითმფრინავების შესაძენად შეტანილი აქვს.

    „ამერიკას ანკარაზე ზემოქმედებისათვის პოლიტიკური ბერკეტები გააჩნია; შეაჩერებს „ეფ-35-ების" პილოტების მომზადებას, შეიძლება მათი გადაცემაც კი შეაჩეროს, - ოთხი თვითმფრინავი მზად არის. გარდა ამისა, თურქეთში დეტალების ნაწილების კეთება მიმდინარეობს, რაც ასევე შესაძლოა შეჩერდეს," - აღნიშნა მან.

    მისი თქმით, ორი ქვეყნის დაძაბული ურთიერთობა საქართველოზე უარყოფით გავლენას იქონიებს, რადგან თურქეთი განიხილებოდა, როგორც საქართველოს მხარდამჭერი ნატო-ში ინტეგრაციის კუთხით.

    „ერთობლივ სამხედრო-პოლიტიკურ პროგრამებში, რაც არსებობს, შესაძლოა გარკვეული შეფერხებები გაჩნდეს, რაც საქართველოსთვის არ არის კარგი, რადგან თურქეთი, როგორც ნატო-ს წევრი შავი ზღვის აკვატორიაში განხილებოდა ერთ-ერთი საქართველოს მხარდამჭერი.

    „ეს, რა თქმა უნდა, არ ნიშნავს იმას, რომ მათ შორის ურთიერთობა დაიძაბება, ან ომი დაიწყება, მაგრამ ურთიერთობა გაფუჭდა, რაც ცუდია, - ნატო-ში, სადაც საქართველო მიისწრაფვის, ეს პრობლემები გაჩნდა," - განაცხადა ირაკლი ალადაშვილმა.

    ცნობისათვის, მანამდე აშშ-მა თურქეთს ულტიმატუმი წაუყენა და 31 ივლისამდე რუსეთისგან ეს-400 ტიპის საზენიტო კომპლექსის შეძენის შესახებ შეთანხმების გაუქმება მოსთხოვა. წინააღმდეგ შემთხვევაში აშშ თურქეთს ავიაგამანადგურებელ „ეფ-35"-ის წარმოებაში მონაწილეობას და მათ ყიდვას აუკრძალავს.

    ლიცენზია
    დატოვე კომენტარიკომენტარები (1)
    ჩაწერა სახელი
    status quo   (14.06.2019)
    რა ქართულით წერთ,გული ამერია...


    Copyright © 2006-2019 by Resonance ltd. . All rights reserved
    ×