სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    თამთა ჩაჩანიძე
    13.08.2019

     რუსული მედიის ცნობით, ინციდენტი მაშინ მოხდა, როდესაც ბალტიის ზღვის საჰაერო სივრცეში რუსეთის ფედერაციის თავდაცვის მინისტრის სერგეი შოიგუს თვითმფრინავი კალინინგრადიდან მოსკოვში მიფრინავდა, მათი თქმით ნატოს ავიაგამანადგურებელმა „ეფ-18“-მა რუსეთის თავდაცვის მინისტრის თვითმფრინავთან მიახლოება სცადა, თუმცა მას ამაში მინისტრის თვითმფრინავის თანმხლებმა რუსულმა „სუ-27“-ებმა შეუშალეს ხელი, რომლებმაც მანევვრის გაკეთების საშუალება არ მისცეს.

    შოიგუ კალენინგრადიდან ბრუნდებოდა, სადაც მან ადმირალ ნახიმოვის საზღვაო სკოლის ფილიალის მშენებლობის დაწყების ცერემონიაში მიიღო  მონაწილეობა და მის თვითმფრინავს ორი „სუ-27“ ახლდა.

    რუსულმა ერთ-ერთმა ტელეკომპანიამ გამოაქვეყნა ვიდეო, სადაც მათი თქმით,  აღნიშნული ინციდენტია ასახული, 

    „შოგოუს თვითმფრინავში ერთ-ერთი მგზავრის მიერ გადაღებულ ვიდეოში ჩანს „ეფ-18“, რომელიც ლაინერს უახლოვდება, კადრში გამანადგურებლის საბორტო  ნომერიც იკითხება. მას შემდეგ, რაც „სუ-27“-ებმა მისკენ აიღეს გეზი, ის კურსს იცვლის  და გადადის სხვა მიმართულებით“, - აღნიშნავს რუსული მედია.  

    აღსანიშნავია, რომ ამას წინ უძღოდა კიდევ ერთი ინციდენტი  რუსული სამხედრო ავიაციის მონაწილეობით. 12 აგვისტოს ბრიტანეთის საჰაერო ძალებმა გზა გადაუღობეს ორ რუსულ „ტუ-142“-ს, რომლებიც ბრიტანეთის საჰაერო სივრცისკენ მიიწევდნენ.

    ლიცენზია
    დატოვე კომენტარიკომენტარები (0)
    ჩაწერა სახელი

    Copyright © 2006-2019 by Resonance ltd. . All rights reserved
    ×