“ბოლო გამგეობის სხდომაზე ზურაბ ნოღაიდელს სრული მანდატი მივეცით, რომ არამარტო ოქრუაშვილს (ვისაც უკვე ელაპარაკა), არამედ სხვებსაც ელაპარაკოს ამ გაერთიანებაზე. მაგრამ შედეგები არ ვიცი. ვფოქრობ, რაიმე კონკრეტული შედეგი რომ ყოფილიყო, ალბათ, უკვე შეგვკრებდა,” - აცხადებს მოძრაობის “სამართლიანი საქართველოსთვის” წევრი პეტრე მამრაძე ზურაბ ნოღაიდელისა და ირაკლი ოქრუაშვილის შესაძლო გაერთიანების კომენტირებისას.

რესპუბლიკური პარტიის წევრი თინა ხიდაშელი სასექტემბროდ რამე პოლიტიკურ ალიანსში რესპუბლიკური პარტიის გაერთიანებას გამორიცხავს. როგორც თინათინ ხიდაშელი აცხადებს, ახლა პარტიული საქმიანობის პერიოდია და რამე ალიანსში გაწევრიანება მხოლოდ წინასაარჩევნოდაა შესაძლებელი.

“ეს ვოიაჟი და ვითომ კრუიზი უცნაურობებით არის აღსავსე. ეჭვი მაქვს, რომ გლობალურ დათბობასა და პოსტ საბჭოთა სივრცეზე იგეგმებოდა დიდი სამეცნიერო კონფერენცია თუ დისკუსია, რომელიც რუსეთს არ აწყობდა. მოსკოვმა მოახდინა ზეწოლა მის მონაწილეებზე და ჩაშალა,” - აცხადებს პოლიტოლოგი სოსო ცინცაძე საქართველოში ყოფილი მსოფლიო ლიდერების სიმპოზიუმის ჩაშლის კომენტირებისას.