რეზონანსი
07.05.2021

მომღერალმა ნატო გელაშვილმა გადაცემაში „მხოლოდ ლელასთან“ ცხოვრების ყველაზე რთულ პერიოდზე, ძმის გარდაცვალებაზე ისაუბრა.

მისივე თქმით, რვა წლის შემდეგ, მუსიკას მხოლოდ ახლა უბრუნდება.

„ეს მიზეზი ალბათ ჩემი ცხოვრების ყველაზე მთავარი ადამიანია, ვინც ყველაზე ძალიან მიყვარდა. არ შეიძლება, ასე ძალიან გიყვარდეს. ეს იყო ჩემი ძმა. მე არ მიყვარს არავისზე არაფრის თავზე მოხვევა. ბევრი ტრაგიკული რამ ხდება ცხოვრებაში. თუმცა ჩემთვის ამ ერთ ადამიანში იყო მოცული ყველაფერი. ყველაზე დიდი გულშემატკივარი, ყველაზე მეტად უყვარდა ნატო. მიუხედავად იმისა, რომ ჰყავდა ოჯახი, მეც მყავდა ოჯახი, მაგრამ მისთვის ჯერ იყო ნატო და მერე სხვა, ჩემთვისაც ასე იყო… მამუკას რომ დასჭირვებოდა, შემეძლო, ორივე შვილი დამეტოვებინა, ვიცოდი, რომ მათ ვინმე მიხედავდა, მაგრამ მე მამუკას ვჭირდებოდი… ეს იყო ზესიყვარული, ზე დედმამიშვილობა, იმის მერე ყოველთვის მეშინია ზესიყვარულის. ამბობენ, რომ თურმე გადამეტებულად სიყვარული არ შეიძლება. ვინც მე მიცნობს, იცის, რომ ზომიერება არ მჩვევია…

ამ რვა წელს „მდუმარე ნატოს“ დავარქმევდი. იყო პერიოდი, როდესაც საერთოდ არაფერი მაინტერესებდა. ერთ რამეს მივხვდი, რომ მე მას ასეთი არ მოვეწონებოდი. ყველაზე მთავარი ის არის, რომ ნატო დაბრუნდა,“ – ამბობს ნატო გელაშვილი.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე


Copyright © 2006-2024 by Resonance ltd. . All rights reserved
×