რეზონანსი
01.07.2020

ვერძი

დღეს ადვილად მოახერხებთ ირგვლივმყოფებთან ურთიერთობების დალაგებას. თავი შეიკავეთ კრიტიკისგან, ენერგია რაიმე საინტერესო საქმიანობაზე ან ფიზიკურ ვარჯიშზე დახარჯეთ.

კურო

შეეცადეთ იყოთ უფრო გულახდილი და წყენები გულში არ ჩაიდოთ. მოსალოდნელია ფინანსური გაუგებრობები ახლობელ ადამიანებთან, ოჯახის წევრებთან. კარგი იქნება თუ იმპულსურობით მათთან საქმეს არ გაიფუჭებთ.

ტყუპები

ელოდეთ სასიკეთო საქმიან წინადადებას, თქვენ იოლად მოაგვარებთ ყველა საქმიან პრობლემას, მაგრამ შეეცადეთ არც სხვას მიაყენოთ ზიანი.

კირჩხიბი

თქვენი გონივრული რჩევები და იდეები კარგ როლს ითამაშებს სამსახურეობრივ საქმიანობაში, თქვენი ავტორიტეტი კი საკმაოდ ამაღლდება კოლეგებისა და უფროსობის თვალში.

ლომი

რაც მეტად იაქტიურებთ მეტს მიაღწევთ, შესაძლოა ცვლილებების შეტანა დაგჭირდეთ თქვენს საზაფხულო გეგმებში. სასიყვარულო საკითხებში მოემზადეთ ცვლილებებისთვის, არ არის გამორიცხული არჩევანის წინაშე აღმოჩნდეთ.

ქალწული

ნუ გადაუხვევთ თქვენი არჩეული გზიდან, უარი არ თქვათ სხვა მნიშვნელოვანი დავალებების შესრულებაზე. თქვენ შეძლებთ ყველაფერს წარმატებით გაართვათ თავი და სარგებელიც კარგი ნახოთ.

სასწორი

გულმოდგინეთ მიუდექით საქმეს და ყველაფერი ხარისხიანად გააკეთეთ, რათა თავიდან აიცილოთ შენიშვნები და საყვედურები და პირიქით - დადებითად შეაფასონ თქვენი შრომა და მონდომება.

მორიელი

კმაყოფილი იქნებით დღევანდელი დღით, რადგან მოახერხებთ გააკეთოთ რაღაც მნიშვნელოვანი, არა მოვალეობის არამედ საკუთარი მოსაზრებების მიხედვით.

მშვილდოსანი

ნუ იქნებით ზედმეტად თავდაჯერებული და მიმდობი. რადგან ეს თვისებები შესაძლოა წამგებიანი აღმოჩნდეს საქმისთვის. თუ საჭიროა შეცვალეთ სტრატეგია და გონივრულად მოახდინეთ მანევრირება.

თხის რქა

შანსი გაქვთ თავი ბრწყინვალედ წარმოაჩინოთ და თქვენი ძალისხმევითა და ენერგიულობით ყველა გააოცოთ, თუმცა ისიც გაითვალისწინეთ, რომ ახლა ნაცადი ხერხებით მოქმედება ჯობია.

მერწყული

შესაძლოა ახლობელმა ადამიანებმა მოგმართონ დახმარებისთვის, რაც თქვენში გაღიზიანებას გამოიწვევს, ნუ შეშფოთდებით, სიტუაცია მალე დალაგდება.

თევზები

უამრავი მნიშვნელოვანი თუ ნაკლებად მნიშვნელოვანი საქმე მეტ აქტიურობას მოითხოვს, ნუ გაიფუჭებთ ურთიერთობებს საქმიან პარტნიორებთან და უფროსობასთან, რადგან სწორედ მათი თანადგომით განახორციელებთ დასახულ მიზნებს. 

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×