უნდა აიღონ თუ არა პოლიტიკურმა პარტიებმა და ლიდერებმა პროტესტის სადავეები ხელში და რას გამოიწვევს ქაოსური, დაუგეგმავი აქციები? ოპოზიციის ნაწილი მიიჩნევს, რომ პოლიტიკოსების გარეშე ამ აქციების გამართვას შედეგი არ ექნება. მმართველ გუნდში კი ფიქრობენ, რომ ოპოზიციაში აქციების სადავეების ხელში ჩაგდების გამო დაპირისპირება უკვე დაიწყო. მათი აზრით, ოპოზიციასა და მესამე სექტორს შორის აქციების გამართვის დროს და გეგმებზე უკვე უთანხმოებაა.    

„ქართული ოცნების" თავმჯდომარე ირაკლი ღარიბაშვილი საქართველოში ევროკავშირის ელჩს, პაველ ჰერჩინსკის შეხვდა. „ოცნების" პრესსამსახურის ინფორმაციით, შეხვედრაზე საუბარი შეეხო საქართველოსა და ევროკავშირს შორის ასოცირების შეთანხმების ფარგლებში, სხვადასხვა სფეროში შემდგომი თანამშრომლობის გაღრმავებას, ასევე საქართველოსა და რეგიონში მიმდინარე პოლიტიკურ პროცესებს.

არქიტექტორებისა და ინჟინერ-მშენებლების სერტიფიცირების ამოქმედება უკვე მესამედ გადავადდა, არადა ამ დროს, სფეროს წარმომადგენლები შესაბამისი სტანდარტის აუცილებლობაზე საუბრობენ. დღესდღეობით ისევ უპრობლემოდ შესაძლებელია არაკვალიფიციური სპეციალისტების მიერ მშენებლობის წარმოება, სერტიფიცირება კი ამ კუთხით მოთხოვნას აამაღლებს.

შვეიცარიაში 34 და 38 წლის ქართველები ძარცვის ბრალდებით დააკავეს - როგორც ადგილობრივი მედია წერს, ქართველები ბინის გაქურდვის დროს შენიშნეს და მეზობლებმა პოლიციაში დარეკეს. ადგილზე მისულ სამართალდამცველებს ისინი დაუსხლტნენ და გაქცევა მოახერხეს. თუმცა,  პოლიციამ მალევე ავტომობილით მიმალვის მცდელობისას დააკავა. 

პარტიებს ხალხთან ურთიერთობას არავინ არ უშლის, მაგრამ პარტიის ლიდერების გამოჩენა მიკროფონთან წამგებიანი იქნება და არა მგონია, რომ ეს წარმატებული ნაბიჯი იყოს - ამბობს „რეზონანსთან" ანალიტიკოსი ვახტანგ ძაბირაძე და დასძენს, რომ ახლა კარგი იქნება თუ აქციების მხრივ თბილისში გარკვეული პაუზა იქნება და „გავლენების კანონის" ბოლო მოსმენამდე, ორგანიზატორები ხალხის მობილიზებისთვის რეგიონებში გადაინაცვლებენ.

პარლამენტში ინტერპელაციის წესით შინაგან საქმეთა მინისტრს მოუსმინეს. ვახტანგ გომელაური ოპოზიციამ პარლამენტში ოჯახში ძალადობის საკითხთან დაკავშირებით დაიბარა, თუმცა ეს საკითხი ერთგვარად კულისებში მოექცა - ძირითადი აქცენტი მიმდინარე პროტესტზე გაკეთდა. სიტუაცია გამოსვლისას მუდმივად დაძაბული იყო, თუმცა ზოგჯერ ღია კონფრონტაციაზე გადადიოდა. საბოლოოდ ყველაფერი „ლელოს" დეპუტატის სხდომიდან გაძევებით დასრულდა.

ევროპის საბჭოს საპარლამენტო ასამბლეის პრეზიდენტმა თეოდოროს რუსოპულოსმა ვენეციის კომისიას სთხოვა დაჩქარებულად მოამზადონ „უცხოური გავლენის გამჭვირვალობის შესახებ" კანონპროექტზე დასკვნა, თუ რამდენადაა ევროპის საბჭოს სტანდარტებთან შესაბამისობაში, რომელიც ახლა საქართველოს პარლამენტში იხილება და რომელიც უკვე პირველი მოსმენითაა მიღებული. ინფორმაციას ავრცელებს ევროპის საბჭოს საქართველოს ოფისი.

მმართველი გუნდი ამბობს, რომ პოლიტიკური ლიდერები რუსთაველზე მიმდინარე საპროტესტო მუხტის პირადი ინტერესებისთვის და პოლიტიკური ქულების დასაწერად გამოყენებას ცდილობენ. მათი თქმით, ოპოზიციამ ითმინა რამდენიმე მდღე, თუმცა ცდუნებამ მაინც წასძლიათ და პარლამენტთან მიმდინარე აქციის სადავეების ხელში ჩაგდებას ეცადნენ. ამის მაგალითად კი ალეკო ელისაშვილის, ნიკა გვარამიას, გიგი უგულავას, ლევან ხაბეიშვილის და სხვა ლიდერების აქტიურობა მოჰყავთ. 

„გირჩის" ლიდერი იაგო ხვიჩია ფიქრობს, რომ არასამთავრობოების დაორგანიზებით ამ ფორმით აქციები ვერ გაგრძელდება, თუმცა პროტესტის სათავეებთან პარტიების გამოჩენაც „ხალს ცუდად აქვს დაცდილი". მიაჩნია, რომ „ენჯეოებმა"ყველაზე კარგი რაც შეიძლება დააორგანიზონ, ესაა პოლიტიკოსების საჯარო დებატები არჩევნებისთვის. ხელისუფლება კი კვლავ საუბრობს იმაზე, რომ პროტესტი პოლიტიკურია, როგორც პარლამენტის თავმჯდომარე შალვა პაპუაშვილი ამბობს, 17 აპრილის აქცია „ნაცმოძრაობის" მიერ იყო დაორგანიზებული.

პარტია „ლელოს" ლიდერები ევროკავშირის წარმომადგენლობის ოფისში, ევროკავშირის ელჩს, პაველ ჰარჩინსკისა და ევროპული ქვეყნების ელჩებს შეხვდნენ. როგორც პარტიის ერთ-ერთმა ლიდერმა, მამუკა ხაზარაძემ განაცხადა, „შეხვედრაზე იყო ძალიან ბევრი კითხვა ქვეყანაში შექმნილ მდგომარეობასთან დაკავშირებით". ანალიტიკოსის ზაალ ანჯაფარიძის აზრით, ელჩებთან ოპოზიციის ინტენსიური შეხვედრები აბსოლუტურად გასაგებია, რადგან მათ გარე მხარდაჭერა „ჰაერივით სჭირდებათ".

„არ გამოვრიცხავ, რომ მაისიდან, როგორც ხელისუფლებასა და ოპოზიციას შორის, ასევე თვითონ ოპოზიციის შიგნით ურთიერთობები სერიოზულად დაიძაბოს," ამბობს პოლიტოლოგი იგორ კვესელავა ქვეყანაში მიმდინარე პროცესებზე საუბრისას. როგორც იგი აღნიშნავს, 17 მაისამდე დადგება საკითხი - გვინდა თუ არა „ევროპის გუნდში" გაერთიანება.

პარასკევს რუსეთის საოკუპაციო ძალებმა იერიში ოდესის და და დნეპროპეტროვსკის ოლქებზე მიიტანეს, შედეგად დაზიანდა პორტის ინფრასტრუქტურა, დანგრეულია საცხოვრებელი სახლები, ვრცელდება დაშავებულებისა და დაღუპულების შესახებ ინფორმაცია. ადგილობრივი ხელისუფლების განცხადებით, ოკუპანტები შექმნილი ვითარებით სარგებლობენ, კრიტიკულ ინფრასტრუქტურას განგებ უტევენ. მანამდე პრეზიდენტმა ზელენსკიმ კიდევ ერთხელ მოუწიდა დასავლეთს, რომ უკრაინას საჰაერო თავდაცვის სისმტემები კრიტიკულად სჭირდება.

უძრავი ქონების ბაზარზე ფასები კვლავ რყევას განიცდის, მაგრამ ამჯერად გაიაფების კუთხით. საიჯარო ტარიფის კლების ტენდენცია ისევ თვალში საცემია. დარგის სპეციალისტები ერთხმად აცხადებენ, რომ უძრავ ქონებაზე მოთხოვნამ საგრძნობლად იკლო, ხოლო მიწოდება მზარდია. ამიტომაც, შესაძლოა, ქირის ფასი კვლავ ძველ ნიშნულს დაუახლოვდეს.

საქართველოში, მრავალი სხვადასხვაგვარი პროტესტიც გამო, არაერთ ეკონომიკურ წამოყებას შეეშალა ხელი. ასეთი მაგალითები, ძირითადად, ენერგეტიკული სექტორშია. ქვეყანაში ლამის ნებისმიერი ჰესის მშენებლობა მოსახლეობის პროცესტის ფონზე მიმდინარეობს. მსგავს მოცემულობას ხელისუფლებაში ადასტურებენ და როგორც მთავრობის მეთაურმა განაცხადა, სტრატეგიული ეკონომიკური პროექტების ჩაგდებაში, არასამთავრობო ორგანიზაციებიც იყვნენ ჩართულნი.

ავტოსადგურებში მგზავრთა გადაყვანის საკითხს ვერც კანონმდებლობა არეგულირებს. კანონი უკვე თვენახევარია ძალაშია, თუმცა სექტორის წარმომადგენლები დაუფარავად აცხადებენ, რომ მდგომარეობა რთულია და ე.წ. ,,ხიშნიკობის" შემცირება ჯერჯერობით ვერ ხერხდება, რაც მგზავრთა გადამყვანებს დიდ პრობლემას უქმნის. ანალოგიურ სიტუაციაში არიან როგორც მსხვილი ავტოსადგურების, ასევე შედარებით მცირე კომპანიების წარმომადგენლები, რომელთა ინფორმაციითაც, ფაქტობრივად, არაფერი შეცვლილა და ზუსტად იმავე რეალობაში უწევთ საქმიანობა, როგორც კანონმდებლობის ამოქმედებამდე იყო.

უკვე სამი დღეა თბილისში საპროტესტო აქციები არ წყდება. პოლიტიკურად დაძაბული სიტუაცია "უცხური გავლენის გამჭირვალობის შესახებ” კანონპროექტს მოჰყვა, რომელიც პარლამენტმა გუშინ პირველი მოსმენით დაამტკიცა. პოლიტიკურ ვნებათაღელვას ეკონომიკაზე ხშირ შემთხვევაში გავლენა აქვს, გააჩნია პროტესტის ხანგრძლივობას და მასშაბურობას. საინტერესოა, ეკონომიკურ განვითარებას და სტაბილურობას ქვეყანაში მიმდინარე მოვლენები რამდენად შეუშლის ხელს.

წარმატებული სპორტსმენების, მწერლებისა და ცნობილი სახეების ნაწილმა მიმდინარე აქციებს მხარდაჭერა გამოუცხადა. ზოგი „გავლენების კანონზე" პოზიციის დაფიქსირებისგან თავს იკავებს, თუმცა თავდასხმებისგან თავს ვერც სიჩუმით იცავს.

სისხლიანი დაპირისპირება ვაკეში - ტიციან ტაბიძის ქუჩაზე მომხდარი სროლის და დაჭრის შესახებ ახალი დეტალები ხდება ცნობილი. „რეზონანსს“ თვითმხილველები უყვებიან, რომ ორმხრივი სროლის შედეგად, 3 ადამიანია დაჭრილი. მათი ინფორმაციით, ავტომობილში მჯდომ პირს მოულოდნელად თავს დაესხნენ და ცეცხლსასროლი იარაღიდან ესროლეს. აღნიშნილი პირი გიორგი რუხაძეა, რომელიც ძმები კაკულიების ახლო ნათესავია.