ადამიანის უფლებათა ევროპულმა სასამართლომ საქმეზე „ნიკა მელია საქართველოს წინააღმდეგ" გადაწყვეტილება გამოაქვეყნა, რომლის მიხედვით მელიას დაკავების საქმეზე ადამიანის უფლებათა კონვენციის მუხლების დარღვევას ადგილი არ ჰქონია. თავის დროზე ენმ-ის მაშინდელი თავმჯდომარის დაკავება დიდი პოლიტიკური სკანდალის საფუძველი გახდა, რომლის შედეგადაც მაშინდელი პრემიერი გიორგი გახარია თანამდებობიდან გადადგა, სასამართლოს გადაწყვეტილების გამოქვეყნების შემდეგ „ოცნებაში" სწორედ ეს გაიხსენეს.