რუსეთის საგარეო საქმეთა მინისტრი სერგეი ლავროვი საქართველოს მთავრობის პოლიტიკას იწონებს და ამბობს, რომ ლიბერალური დემოკრატიის ღირებულებების დაწესება ქართველ ხალხს არ გამოადგება. ოპოზიციაში ამბობენ, რომ გასაკვირი არაა, როცა „ოცნების" და კრემლის ინტერესები ერთმანეთს ემთხვევა. როგორ აღიქმება საქართველოში მიმდინარე პროცესები მოსკოვში და რა გავლენას ახდენს ქართველ ამომრჩევლებზე ის ფაქტი, რომ რუსეთის ხელისუფლება „ოცნების" მიმართ სიმპატიითაა განწყობილი?