11 აპრილს პარლამენტის დროებით საგამოძიებო კომისიის თავმჯდომარის, თეა წულუკიანის გაკეთებულ კომენტარს საქართევლოს ეროვნულ გმირ გიორგი ანწუხელიძეზე დიდი გამოხმაურება მოჰყვა. მან სატელევიზიო ეთერში განაცხადა, რომ „ყველა ბავშვს სჭირდება მშობელი სახლში და არა უაზროდ განწირული ვიღაცის პიარისთვის". ოპოზიციაში მიიჩნევენ, რომ ეს განცხადება ქვეყნის ღალატის ტოლფასია, მმართველ პარტიაში კი ამბობენ, რომ წულუკიანის სიტყვები საზოგადოებამ არასწორად გაიგო, ხოლო ატეხილ აჟიოტაჟს „რადიკალების პერფორმანსს" უწოდებენ.