ევროკავშირის წარმომადგენლობის ოფისთან „ნაციონალური მოძრაობისა“ და „ქართული ოცნების“ თავმჯდომარეებს შორის სიტყვიერი დაპირისპირების შემდეგ ხელისუფლება ოპოზიციას წინასაარჩევნოდ და მის შემდეგაც ქვეყანაში დესტაბილიზაციის  და არეულობის მოწყობაში ბრალს სდებს. ოპოზიცია კი პირიქით ამბობს, რომ ხელისუფლება მათი  დაძაბულობასა და დაპირისპირებაში ჩათრევა უნდა, რისი საშუალებაც არ უნდა მისცენ.   

საქართველოს პრემიერ-მინისტრმა ირაკლი ღარიბაშვილმა ამერიკის შეერთებულ შტატებში ვიზიტისას, გაერო-ს გენერალური ასამბლეის 76-ე სესიის ფარგლებში, მაღალი დონის ორმხრივი შეხვედრები გამართა.

ექსპრეზიდენმა მიხეილ სააკაშვილმა საქართველოში დაბრუნებასთან დაკავშირებით მორიგ განცხადებაშიც თქვა, რომ ჩამოვა, თუმცა „ხალხმა ხელი უნდა გაანძრიოს", პოლიტოლოგი რამაზ საყვარელიძე „რეზონანსთან" აცხადებს, რომ ამ გამოსვლაში სააკაშვილის შიში იგრძნობა, რადგან ფიქრობს, რომ უსაფრთხოების გარანტიები დასავლეთიდან ვერ მიიღო და ახლა რჩება ერთი გზა, რომ „მოსახდენი პროცესები მისმა მომხრეებმა მოახდონონ და მერე უსაფრთხოდ ჩამოვიდეს".

ქვეყანაში ეპიდემიოლოგიური მდგომარეობა კვლავ მძიმეა. მიუხედავად იმისა, რომ გარდაცვლილთა სტატისტიკურმა მაჩვენებელმა იკლო, ეპიდემიოლოგები მაინც მძიმე შედეგებს პროგნოზირებენ ვაქცინაციის ტემპის დაკლების გამო. ამასთან ცნობილი ხდება, რომ ვაქცინების ნაწილს ვადა გასდის.

არჩევნები ყველაფერს დაალაგებს - გამოჩნდება მესამე ძალა; გახარიას პარტია სავარაუდოდ 15%-ს აიღებს, ასეთი მაღალი შედეგი შეცვლის რეალობას და შეიძლება „ქართულ ოცნებაში" და „ნაციონალურ მოძრაობაშიც" სხვა პროცესები დაიწყოს" - ასეთ პროგნოზს აკეთებს „რეზონანსთან" საუბრისას პოლიტოლოგი დავით ზურაბიშვილი.

ევროკავშირის ელჩს დღეს პოლიტიკური პარტიები შეხვდნენ. კარლ ჰარცელთან შეხვედრაზე იყვნენ  „ქართული ოცნების“, „ნაციონალური მოძრაობის“, „ლელოს“, „მესამე ძალისა“ და გახარიას პარტია „საქართველოსთვის“  წარმომადგენლები.  

კომპანია „ენკა რინიუებლზი", რომელსაც ნამახვანჰესი უნდა აეშენებინა, საქართველოსთან ხელშეკრულებას წყვეტს. ამის შესახებ ინფორმაცის თავად კომპანია ავრცელებს. ამას როგორც ხელისუფლების წარმომადგენელთა ისე ოპოზიციის უკმაყოფილება მოჰყვა.

ჰესიის აშენების პრობლემა არ იქნება და ამას არ სჭირდება ახალი ე.წ. ინვესტორი და 100 წლით ტერიტორიების გადაცემა, თუ იქნება გათვალისწინებული ქართული სახელმწიფოსა და საზოგადოების ინტერსები - ასეთ შეფასებას აკეთებს ექსპერტი და ანალიტიკოსი დემურ გიორხელიძე კომპანია „ენკას" მიერ ხელშეკრულების შეწყვეტაზე.

შეიძლება ვივარაუდოთ, რომ „ქართულმა ოცნებამ" რეალური ციფრები გამოაქვეყნა, საზოგადოების შეცდომაში შეყვანა რაში აწყობს?! მერე ეგზიტპოლებით ხომ მაინც რეალურად გამოჩნდება, ვის რამდენმა მისცა ხმა. ჩემი აზრით, „ოცნება" მონაცემებით ჟონგლიორობაში არ უნდა იყოს დაინტერესებული - ასე შეაფასა „რეზონანსთან" ანალიტიკოსმა ზაალ ანჯაფარიძემ „ქართული ოცნების" მიერ გამოქვეყნებული თბილისში ჩატარებული სოციოლოგიური კვლევის შედეგები.

ევროკავშირის ოფისთან „ქართული ოცნების" თავმჯდომარე ირაკლი კობახიძესა და „ნაციონალური მოძრაობის" ლიდერ ნიკა მელიას შორის მწვავე დაპირისპირება მოხდა. პოლიტიკოსები ერთმანეთისკენ იწევდნენ. საქმე ლამის ფიზიკურ შეხლა-შემოხლამდე მივიდა. საბოლოოდ კობახიძე ადგილს დაცვამ განარიდა. მელია და მისი მომხრეები მას მანქანამდე მიჰყვნენ შეურაცხმყოფელი შეძახილებით.

ადგილობრივ არჩევნმებამდე დაახლოებით ერთი კვირით ადრე, მართველი გუნდი აცხადებს, რომ „ნაცმოძრაობა" არა 2 ოქტომბრისთვის, არამედ დესტაბილიზაციისთვის ემზადება, „ნაციონალურ მოძრაობას" კი მაიჩნია, რომ პასიურობის მიზეზი არასათანადო წინასაარჩევნო გარემოა, რაზედაც პასუხისმგებლობელი ხელისუფლებაა.

აცრილთა წამახალისებელი ლატარიის შემდეგ, პირველადი ჯანდაცვის ექიმებისთვის წამახალისებელი ღონისძიებები დაინერგება. განიხილება რამდენიმე ასეთი ღონისძიება. რაც მეტი ადამიანის დარწმუნებასა და აცრას მოახერხებს მედმუშაკი, შესაბამის ფულად დანამატს მიიღებს - ამის შესახებ „რეზონანსთან" ჯანდაცვის ექსპერტი, აკაკი ზოიძე საუბრობს.