ოპოზიციას ხალხის ქუჩაში გამოყვანა უჭირს და პერმანენტულად ხალხმრავალი აქციების ორგანიზებას ვერ შეძლებს - მიიჩნევენ ანალიტიკოსები და აცხადებენ, რომ მოსახლეობა რევოლუციური სცენარებით დაიღალა - ანალოგიურად ფიქრობენ „გირჩშიც".

საქართველოში პანდემიის გამო დაწესებული გარკვეული შეზღუდვები იხსნება. ამის შესახებ პრემიერ- მინისტრმა საკოორდინაციო საბჭოს დასრულების შემდეგ ისაუბრა. ირაკლი ღარიბაშვილმა ის მიმართულებები დაასახელა, სადაც დაწესებული შეზღუდვები მოიხსნება.  

საქართველოში განვითარებული მოვლენები, საერთაშორისო საკითხთა ექსპერტთა მოსაზრებით დამფიქრებელია იმ თვალსაზრისითაც, რომ ვითარების დესტაბილიზაციით შესაძლოა მხოლოდ რუსეთმა ისარგებლოს.

ნიკა მელიას დაკავებისა და განვითარებული მოვლენების შემდეგ, ფასილიტატორმა ელჩებმა კრიზისის განსამუხტავად ოპოზიციასა და „ქართულ ოცნებას" შორის პოზიციების დაახლოებაზე მუშაობა აქტიურად დაიწყეს. რა განმუხტავს სიტუაციას.

როგორი იქნება ნიკა მელიას დაკავების შემდეგ ხელისუფლებისა და ოპოზიციის შემდგომი ნაბიჯები, სავარაუდოდ, ფასილიტატორ ელჩებთან შეხვედრის შემდეგ გახდება ცნობილი. ოპოზიციამ საპროტესტო აქციების სერია უკვე დააანონსა და იმედი აქვს, რომ ეს, დასავლეთის ზეწოლასთან ერთად, ხელისუფლებას დათმობაზე წასვლას აიძულებს. ხელისუფლება კი ოპოზიციას დიალოგის სთავაზობს, ოღონდ „არა იმაზე, თუ რა გვყოფს, არამედ იმაზე, თუ რამ უნდა გაგვაერთიანოს“.

ყოფილი სახელწმიფო მინისტრი და ანალიტიკოსი პაატა ზაქარეიშვილი ნიკა მელიას დაკავების გამო მასობრივ სახალხო პროტესტს გამორიცხავს, თუმცა დასავლეთის მხრიდან საქართველოს ხელისუფლებაზე სერიოზულ ზეწოლას პროგნოზირებს. როგორც მან „რეზონანსს“ განუცხადა, ხელისუფლების ეს გადაწყვეტილება „სრული უგუნურებაა“, რომელსაც ქართულ საზოგადოებაზე გამომაფხიზლებელი ეფექტი ექნება.

ანალიტიკოს რამაზ საყვარელიძე გაკვირვებას გამოთქვამს იმის გამო, თუ რატომ არ მოახდინა ხელისუფლებამ იმ პოლიტიკური რისკების შეფასება, რაც სამშაბათს დილით ჩატარებულ სპეცოპერაციას მოყვებოდა. როგორც მან „რეზონანსს“ განუცხადა, ნიკა მელიას დაკავებით, მართალია, კანონი და სასამართლოს გადაწყვეტილება აღსრულდა, მაგრამ რამდენად აუცილებელი იყო ამის ასე სწრაფად  გაკეთება, ეს შეიძლება სადავო იყოს.

ქართველ ანალიტიკოსთა და უცხოელ პარტნიორთა უმეტესობა ხელისუფლებას მოუწოდებს, რომ ქვეყანაში შექმნილი დაძაბულობის განმუხტვისათვის ნიკა მელიას პატიმრობიდან გათავისუფლების სამართლებრივი გზები მოძებნოს. იურისტები კი კონკრეტულ სამართლებრივ მექანიზმებს ასახელებენ, რომლის გამოყენებაც ამ შემთხვევაში შესაძლებელია.

პარტია „მოქალაქეები" არ შეუერთდებიან ოპოზიციის საპროტესტო აქციას. ნიკა მელიას დაპატიმრებასთან დაკავშირებით კი მათი პოზიციაა, რომ ხელისუფლებამ არასწორი ნაბიჯი გადადგა და გამოსავალი მხოლოდ მოლაპარაკებების მაგიდასთან დასხდომაა. ამის შესახებ „რეზონანსს" პარტიის ერთ-ერთმა ლიდერმა ლევან იოსელიანმა განუცხადა.

ხელისუფლებასა და ოპოზიციას შორის საინფორმაციო ომი მიმდინარეობს და ბევრი რამ იმაზე იქნება დამოკიდებული, თუ რომელი მხარე უფრო უკეთ შეძლებს ქართული საზოგადოებისა და საერთაშოისო პარტნიორების დარწმუნებას თავის სიმართლეში - ასე აფასებს „რეზონანსთან“ საუბარში ნილა მელიას დაკავების შემდეგ შექმნილ სოტუაციას ანალიტიკოსი ზაალ ანჯაფარიძე.

სერიოზული რეგრესი დასავლეთთან ინტეგრაციაში და დახმარების კონკრეტული პროგრამების შეჩერება - პრეზიდენტის ყოფილი მრჩეველისა და ჯიპას ასოცირებული პროფესორის თენგიზ ფხალაძის აზრით, სწორედ ასე შეიძლება განვითარდეს მოვლენები, თუკი საქართველოს ხელისუფლება დასავლეთის კრიტიკას არ გაითვალისწინებს და ვითარების დეესკალაციისაკენ კონკრეტულ ნაბიჯებს არ გადადგამს.

დასავლელი პარტნიორების მწვავე განცხადებებს, ნიკა მელიას დაკავებასთან დაკავშირებით „ქართული ოცნების" წევრები, ლადო კახაძე და ნინო წილოსანი ეხმაურებიან. კახაძის თქმით, საქართველო აუხსნის დასავლეთს თუ რატომ მოხდა მელიას დაკავება და რეალურ სურათს დაანახებს, ხოლო წილოსანი ამბობს, რომ ქვეყანას თავისი კონსტიტუციური მდგრადობის დაცვა ყოველთვის სახარბიელო მდგომარეობაში არ აყენებს, მაგრამ კანონი უზენაესია.