ნიკა მელიას დაკავების შემდეგ ხელისუფლება, სავარაუდოდ, კიდევ უფრო მეტი რადიკალიზაციის გზით წავა და მოვლენების განვითარება მთლიანად დასავლეთის რეაქციაზე იქნება დამოკიდებული, რადგან ოპოზიციას ქვეყნის შიგნით მძლავრი საპროტესტო ტალღის აგორების რესურსი არ აქვს. ამის შესახებ „რეზონანსს“ ანალიტიკოსმა დავით ზურაბიშვილმა განუცხადა.

ოპოზიციის ლიდერები „ნაციონალური მოძრაობის" თავმჯდომარის დაკავების გამო, კანცელარიასთან 15:00 საათზე აქციას მართავენ. მთავარი მოთხოვნები ნიკა მელიას გათავისუფლება და რიგგარეშე არჩევნების დანიშვნა იქნება. როგორც ოპოზიციონერები აცხადებენ გამოსვლები პერმანენტულ ხასიათს მიიღებს, სანამ მათ მოთხოვნებს არ დააკმაყოფილებენ. მოჰყვება თუ არა ამას მასობრივი საპროტესტო აქციები და რა გაგრძელება ექნება ამას?

89 ხმით 2-ის წინააღმდეგ, საქართველოს პარლამენტმა საქართველოს ახალ მთავრობას და ირაკლი ღარიბაშვილს ნდობა გამოუცხადა - რეგისტრაცია 94 დეპუტატმა გაიარა.

შედგება თუ არა ახალ მთავრობასა და ოპოზიციას შორის მოლაპარაკების მე-5 რაუნდი კვლავ უცნობია. საპარლამენტო ტრიბუნიდან მომავალმა პრემიერმა ირაკლი ღარიბაშვილმა განაცხადა, რომ ოპოზიციასთან მოლაპარაკება და დიალოგი აუცილებელია, მაგრამ "არა დესტრუქციულ ცხელ თავებთან". მისი მთავარი პრიორიტეტი კი ქვეყანაში წესრიგის დამყარება იქნება.

ანალიტიკოსი და ყოფილი სახელმწიფო მინისტრი პაატა  ზაქარეიშვილი ზაქარეიშვილი ვარაუდობს, რომ ახალი პრემიერი ირაკლი ღარიბაშვილს უფრო ხისტი პოლიტიკის გატარებას დაიწყებს და შეეცდება, რომ ოპოზიცია მოთოკოს.

საქართველოში კოვიდ-19-ის ვაქცინის შემოტანა ორი-სამი კვირით გადაიდო, სპეციალისტები კი აცხადებენ, რომ სანამ მოსახლეობის 60% არ აიცრება, არსებული შეზღუდვების მოხსნა სარისკოა და მათივე გათვლებით ამ პირობებში ამ რაოდენობის მოსახლეობის ვაქცინაცია 2021 წელს დიდი ალბათობით ვერ მოესწრება, რა ელის ქვეყნას თუ ცხოვრების ეს რეჟიმი კიდევ დიდ ხანს გაგრძელდა.

საქართველოს კონსტიტუციის 100 წლისთავთან დაკავშრებით გამართულ ღონისძიებაზე პრემიერ-მინისტრობის კანდიდატმა ირაკლი ღარიბაშვილმა მკვეთრად ნეგატიურ კონტექსტში მოიხსენია ოპოზიცია და მათ მოქმედებები 100 წლის წინ ე.წ. შულავერის კომიტეტის მოქმედებებს შეადარა. ოპოზიცია ახლანდელი კრიზისის ფონზე მომავალი პრემიერის ასეთ ხისტ პოზიციას ხელისუფლების მიერ ვითარების კიდევ უფრო გამწვავების მცდელობად აფასებს, რაც, მათი აზრით, ქვეყნისთვის დამღუპველი იქნება.

ბოლო ორი დღის განმავლობაში ოპოზიცია პერმანენტულად ცდილობს პარლამენტის წინ კარვის გაშლას, რასაც, როგორც წესი, პოლიციასთან შეტაკება და რამდენიმე აქტივისტის დაკავება მოჰყვება ხოლმე. რით შეიძლება აიხსნას ოპოზიციის ასეთი მოქმედება იმ ფონზე, როდესაც დასავლელი პარტნიორები ხელისუფლებასაც და ოპოზიციასაც მოუწოდებენ თავი შეიკაონ ვითარების გამწვავებისაგან და მოლაპარაკების მაგიდასთან დასხდნენ?

ყოფილი პრემიერი გიორგი გახარია ჰგავს ექიმს, რომელსაც მორიგი ოპერაციის წინ არ ჰქონდა შინაგანი განწყობა, რომ ოპერაცია წარმატებით დასრულდებოდა და ამიტომაც წავიდა - ასე ხსნის „რეზონანსთან" საუბარში პრემიერის თანამდებობიდან გახარიას გადადგომას საპარლამენტო უმრავლესობის წევრი ლადო კახაძე.

პარასკევს ბაქოში საქართველის, აზერბაიჯანისა და თურქეთის საგარეო საქმეთა მინისტრების შეხვედრა უნდა გამართულიყო, მაგრამ საქართველოში შექმნილი პოლიტიკური კრიზისია და პრემიერ გიორგი გახარიას გადადგომის გამო რამდენიმე დღით გადაიდო. მოლაპარაკების მთავარი თემაა თურქეთის მიერ ინიცირებული 3+3 პლატფორმა.

პრემიერ-მინისტრის მოულოდნელი გადადგომით გამოწვეული პოლიტიკური შოკის მეტ-ნაკლებად განელების შემდეგ, ისე დღის წესრიგში დადგა მოლაპარაკება ხელისუფლებისა და ოპოზიციას. თუმცა, იმ ფონზე, როდესაც არცერთი მხარე დათმობაზე წასვლას არ აპირებს, გაურკვეველი რჩება რაზე შეიძლება მოხდეს შეთანხმება.

ნიკა მელია „ნაცმოძრაობის“ ოფისშია გამაგრებული, რომელსაც ოპოზიციის ლიდერები და აქტივისტები იცავენ. ოფისის გარეთ პოლიციაა მობილიზებული. თავად მელია აცხადებს, რომ პერიოდულად საიდუმლოდ გადის ოფისიდან და ასევევ საიდუმლოდ უკან ბრუნდება, ხოლო პოლიცია ოფისიდან გამომავალ მანქანებს ჩხრეკს. როდემდე გაგრძელდება და რით შეიძლება დასრულდეს ეს პოლიტიკური კატა-თაგვობანა?