ბოლო პერიოდში ქვეყანაში თითქმის ყველანაირი მომსახურება გაძვირდა, რაც საგრძნობლად შესამჩნევია. სასტუმროების ღირებულებამ 10-15%-ით მოიმატა, გაძვირდა ასევე სარესტორნო მომსახურება, უძრავი ქონების გაქირავება და სხვა. ახლა, დღის წესრიგში კულტურულ-საგანმათლებლო აქტივობები დგას. ცეკვა, მუსიკა, ცურვა და სხვა წრეების გადასახადმა მნიშვნელოვნად მოიმატა, რაც მშობლებისთვის პრობლემას წარმოადგენს. ეს მდგომარეობა ბავშვებს სკოლის მიღმა სააღმზრდელო აქტივობებში ჩართვას ართულებს. ბევრი მოზარდი სურვილის მიუხედავად, დამატებითი უნარების განვითარებას ვერ ახერხებს.