სატრანსპორტო კოლაფსმა, ცენტრალურ უბნებთან ერთად, თბილისის თითქმის ყველა ტერიტორია მოიცვა, მათ შორის, ქალაქის შემოსასვლელები, საიდანაც ყოველდღიურად მანქანების დიდი ნაკადი შედის და გადის. მიგრაციული პროცესის გააქტიურებამ ამ მხრივ თითქმის გამოუვალი სიტუაცია შექმნა და გზებზე მოძრაობა გაუსაძლისი გახადა. მდგომარეობა განსაკუთრებით მძიმეა სადღესასწაულო პერიოდში, ახალი სასწავლო წლის დაწყების წინ, უქმეებზე და ა.შ. დედაქალაქის ახლომდებარე რაიონებიდან ყოველდღიურად უამრავი ავტომობილი მოძრაობს, რაც სატრანსპორტო  კოლაფსს ქმნის.