გერმანიის შემდეგ ისრაელი და საფრანგეთიც საქართველოს მოქალაქეებისთვის ქვეყნები სეზონური შრმისთვის საზღვრებს ხსნიან, თუმცა უცხოეთში ლეგალურად დასაქმების სურვილი თანდათან იკლებს. რატომ შემცირდა ინტერესი ისრაელის შემთხვევაში და როგორია უკვე ქვეყნიდან წასულების შრომითი პირობები ,,ბიზნეს-რეზონანსი“ დეტალების გარკვევა სცადა. 

პანდემიამ ეკონომიკაში კონტრაბანდა და ჩრდილოვანი ეკონომიკა წაახალისა. დღეს ძნელად მოიძებნება სფერო, რომელიც მთავრობის მითითებებისადა რეგულაციების უსიტყვო შემსრულებელია.  ეს ასეც იყო მოსალოდნელი, რადგან შეჭირვებული ბიზნესი და მოსახლეობა ყველა საშუალებით ცდილობს გზების გამონახვას და ეძებს გამოსავალს, რომელიც შეიძლება ეკონომიკას ძირს უთხრის. ბევრი ბიზნესის საქმიანობა იატაკქვეშეთში გაგრძელდა,  რის გამოც კონტრაბანდამ და ჩრდილოვანმა ეკონომიკამ ფრთები გაშალა. ამას ხელს უწყობს ისიც, რომ პანდემიის პირობებში ორივე მიმართულებით ბრძოლა შესუსტებულია. 

ლარის გაუფასურების ტენდენცია არ იცვლება და არც მოლოდინი არსებობს, რომ კურსს მოკლე, თუნდაც გრძელვადიან პერსპექტივაში რამე ეშველება. არც ერთი სტრუქტურა ამ დრომდე კურსთან დაკავშირებით პასუხისმგებლობას არ იღებს. ეროვნული ბანკი ინფლაციაზე აქცენტის გადატანით ცდილობს თავის დაძვრენას, მაგრამ რეალურად ვერც ფასების ზრდას აჩერებს. პროცესები კი ისე ვითარდება, რომ წლის ბოლომდე შესაძლოა, 3,60-იანი კურსიც სანატრელი გახდეს. ბოლო პერიოდში, პირველი შემთხვევაა, როცა ხელისუფლების ეკონომიკური გუნდი ლართან დაკავშირებით ქმედითი ნაბიჯების გადადგმას ითხოვს და ხელს ეროვნული ბანკისკენ იშვერს.

საქართველოში სამთო-სათხილამურო სეზონი დასრულდა. წელს ზამთრის კურორტებს მუშაობაშეზუდვების ფონზე მოუწია, რის გამოც თეთრის ტურზმი მძიმე ვითარებაში აღმოჩნდა. შეზღუდვების მოხსნის შემდეგ კი, სამთო-სათხილამურო ტურიზმს იმედი გაუჩნდა, თუმცა კურორტები ვიზიტორთა ნაკლებობას მაინც განიცდიდა, ამიტომ სასტუმროებმა და რესტორნებმა დიდი დატვირთვის მუშაობა ვერ შეძლებს. 

ნამოხვანჰესთან დაკავშირებით ევროკავშირის ჩართვა მოლაპარაკების საკითხს დიდად ვერ დაძრავს. ამის მოლოდინი დღეს არც ჰესის მშენებლობის მოწინააღმდეგეებს აქვთ და არც ენერგეტიკოსებს, რომლებიც პროცესების მსვლელობას გარედან აკვირდებიან. ისინი ფიქრობენ, რომ კომუნიკაცია კვლავ დარჩება პრობლემად ნაკლებად სავარაუდოა, ასეთ ფონზე კომპეტენტური ორგანოს მიერ გაკეთებული დასკვნა, როგორიც არ უნდა იყოს იგი, კონფლიქტის გახსნის საფუძველი გახდეს.

საქართველოს ეკონომიკა ნელ-ნელა გამოცოცხლებას იწყებს. მარტში მშპ 4%-ით გაიზარდა. მძიმე პერიოდის შემდეგ, აღნიშნული მონაცემები იმედისმომცემია. თუკი მორიგი ლოქდაუნი არ ამოქმედდა, ქვეყანა თანდათან ფეხზე დადგება და ბიზნესიც ამუშავდება. 

ენერგეტიკოსები განახლებადი ენერგიის განვითარების შესაძლებლობებს სკეპტიკურად აფასებენ. იმ ფონზე, როცა „ენერგეტიკის განვითარების ფონდი“ ქარის ენერგიის 20%-იან ზრდას პროგნოზირებს, სპეციალისტები ახსენებენ, რომ ამ დროისთვის ამ ტიპის ენერგიის წილი საქართველოს ენერგეტიკაში 0,07%-ს არ აჭარბებს, ხოლო მზის ენერგიის შემთხვევაში ეს მაჩვენებელი ნულოვანია.  ისინი ღიად აცხადებენ, რომ ქარის ელექტროსადგურები, მათი მნიშვნელობის მიუხედავად, არ შეიძლება განვიხილოთ ელექტროენერგიის სტაბილურ წყაროდ, რადგან ალტერნატიული რესურსი არ არის სანდო.

საქართველოს ეროვნულმა ბანკმა მონეტარული პოლიტიკის განაკვეთი 9.5%-მდე გაზარდა. ცენტრალურმა ბანკმა გადაწყვეტილება ინფლაციის მკვეთრი ზრდის გამო მიიღო, ასეთია ოფიციალური პოზიცია. ბოლო პერიოდში ლარი რომ არასტაბილურობითა და გაუფასურებით გამოირჩევა და შესაბამისად რეკორდულად იზრდება ინფლაციაც, ეს ფაქტია. სპეციალისტთა ნაწილის განცხადებით, გუშინდელი განაკვეთის ზრდას პირველი ეფექტი შესაძლოა, მოკლევადიან პერიოდშივე ჰქონდეს. 

საქართველოს ავიაცია გამოცოცხლების გზას ადგას, მაგრამ ბევრი რამ ისევ სათუოა. მძიმე ვითარებაში არსებული ინდუსტრია ზაფხულის სეზონისთვის ემზადება. თუკი ქვეყანაში ეპიდვითარება გამოსწორდება და შეზღუდვები მოიხსნება, ავიამიმოსვლის მხრივ დადებითი ძვრები დაიწყება. იქამდე ვითარების გამოსწორების შანსი თითქმის გამქრალია, ამიტომ ახლა მთავრობამ ზაფხულის სეზონის განვითარებაზე უნდა იზრუნოს. 

საქართველოში კორონავირუსზე ვაქცინირებულ ადამიანებს „პრივილეგიები“ მიენიჭებათ. ჯერჯერობით უცნობია, რა უპირატესობით ისარგებლებენ აცრილი მოქალაქეები, თუმცა მათ რომ სხვადასხვა უპირატესობა ექნებათ, ამას საკოორდინაციო საბჭოში მალე დაამტკიცებენ. ყველაზე ცუდი ის შეიძლება მოხდეს, რომ სამომავლოდ ვაქცინირებულებმა ეკონომიკურ საქმიანობაშიც დაჩაგრონ აუცრელები. ეს კი უკვე დისკრიმინაციულ საფრთხეს წარმოშობს.

საქართველოს ეკონომიკა და მოსახლეობა ჯერ კიდევ მძიმე ვითარებაშია. მიუხედავად იმისა, რომ ქვეყანაში შეზღუდვები დიდწილად მოხსნილია, პრობლემები მაინც მრავლადაა. კორონავირუსმა საქართველოს უდიდესი ზარალი მიაყენა, რომლის გამოსწორებასაც საკამო დრო სჭირდება. მოსახლეობის დიდი ნაწილი სამსახურისა და შემოსავლის გარეშეა დარჩენილი. მათ უკვე კომუნალური სუბსიდიაც აღარ ეკუთვნით და ერთ თვეში 200-ლარიანი დახმარებაც გაუქმდება. პოლიტიკოსებისა და ექსპერტების ნაწილი შეღავათების გაგრძელებას ითხოვს. დაუჭერს თუ არა მხარს მთავრობა მოსახლეობას კიდევ ერთხელ? 

ნამოხვანჰესთან დაკავშირებით მორატორიუმი გამოცხადდა, მაგრამ მთავრობამ ჰესის მშენებლობის მოწინააღმდეგეთა გული ვერც ამით მოიგო. პროტესტი პროქტთან დაკავშირებით დროებით შეჩერებულია, თუმცა დაანონსებულია ყველაზე მასშტაბური აქცია. რიონის ხეობის მცველები თანდათან იხრებიან იქეთკენ, რომ ხეობაში მასშტაბური ჰესი არასდროს უნდა აშენდეს, მით უმეტეს, როცა საუბარია მიწების გასხვისებასა და სხვა მიუღებელ პირობებზე, რასაც სამოქალაქო აქტივისტები ვერაფრით ურიგდებიან.