ია აბულაშვილი
08.02.2021

"ძელო ჭეშმარიტო, ძალო ჯვრისაო, შენითა წინძღომითა, ყოვლადვე შემწე და მფარველ ექმენ მეფესა დედოფალსა თამარსა" - ასეთი წარწერა აქვს თამარ მეფის ჯვარს, რომელიც ასომთავრული წარწერითაა შესრულებული.

ია აბულაშვილი
06.02.2021

საქართველოს მართლმადიდებელი ეკლესია 8 თებარვალს დავით აღმაშენებლის დღეს აღნიშნავს, მეფის, რომლის დროსაც საქართველო უძლიერეს სახელმწიფოდ იქცა.

ია აბულაშვილი
03.02.2021

ქართული მართლმადიდებულური ეკლესია მდიდარია უნიკალური ფრესკებით, მათ შორის ერთ-ერთია დირბის ღვთისმშობლის მიძინების ტაძარი, რომელსაც საუკუნეების მანძილზე ამშვენებს "ღვთისმშობლის სასწაულმოქმედი" ფრესკა, რომელიც უშვილოებისა და ორსულების შემწეა. მონასტერში დღემდე ჩამოედინება ღვთისმშობლის მოწყალების წყარო, წყარო მრავალი სასწაულისა.

ია აბულაშვილი
02.02.2021

ნარიყალა, უძველესი ციხე სიმაგრე, რომელიც თბილისს და მტკვრს გადაჰყურებს, ისტორიულ წაროებში მე-4 საუკუნიდან მოიხსენიება. ნარიყალას ძველად „შურის ციხეს“ უწოდებდნენ, მონღოლეის ბატონობის დროს კი მას „ნარინ ქალა“ დაარქვეს. მე-13 საუკუნეში დიმიტრი თავდადებულს ნაიყალას ციხეში ეკლესია აუგია, რომელიც ისტორიულ წყაროებში წმინდა ნიკოლოზის კარის ეკლესიის სახელით არის შესული.  

ია აბულაშვილი
01.02.2021

ხის სამი ჯვარი, რომელებიც მცხეთაში, უჯარმასა და თხოთის მთაზეა აღმართული, ლეგენდის თანახმად დამზადებულია სასწაულმოქმედი ხისგან, რომელიც მცხეთაში წმინდა ნინოს ლოცვით აღმოცენებულ წყაროსთან იყო აღმართული. "აკაკის ხე" საოცარ სურნელს აფრქვევდა და ხალხი სასწაულმოქმედს ეძახდა, რადგან დაჭრილი ნადირი ან ფრინველი მის ფოთოლს თუ შეჭამდა მაშინვე განიკურნებოდა.

ია აბულაშვილი
27.01.2021

ქართულ ხუროთმოძვრულ ძეგლებს შორის, რომლებიც ქართული ხელოვნების უნიკალური ნიმუშებია, ერთ-ერით გამორჩეულია მოქვის მონასტერის მოზაიკა, რომელიც მე-10 საუკუნეში ქართველ ოსტატს სოფიის ტაძრიდან ჩამოტანილი მარმარილოს კენჭებით მოუპირკეთებია. იატაკის ცენტრში გამოსახული იყო მზის სხივები წითელი მარმარილოთი.

ია აბულაშვილი
25.01.2021

ქართული მართლმადიდებლური ეკლესია 27 იანვარს წმინდა ნინოს გარდაცვალების დღეს აღნიშნავს. ქართველთა განმანათლებელი წმინდა ნინო გარდაიცვალა 338 წელს კახეთში.

ია აბულაშვილი
20.01.2021

ოშკის, ხახულის და იშხანის შემდეგ, ოთხთა სამონასტრო კომპლექსი ისტორიულ ტაო-კლარჯეთში არსებულ ქართულ ეკლესიებს შორის სიდიდით მეოთხე ეკლესიაა და სახელიც აქედან მოდის. ისტორიული წყაროების მიხედვით მონასტერი 961-965 წლებში დავით კურაპალატს აუგია. მისივე ძალისხმევით კი 987-1001 წლებში მონასტერი გადაუკეთებიათ.

ია აბულაშვილი
19.01.2021

სორის ჯვრის სახელობის ეკლესია, რომელიც  რაჭაში მდებარეობს, ისტორიული წყაროების მიხედვით მე-12 საუკუნის ძეგლია და ძვირფასი საეკლესიო ნივთებისა და ჯვარ ხატების სიმრავლით ერთ-ერთი გამორჩეული ყოფილა რაჭის ეკლესია-მონატსრებს შორის.

ია აბულაშვილი
18.01.2021

ნათლისღება, რომელსაც ქართული მართლმადიდებლური ეკლესია 19 იანვარს აღნიშნავს, წყლის კურთხევის მსახურება, დიდი აიაზმა ტარდება. ამ დღეს ღვთის გაცხადებასაც უწოდებენ, რადგან სწორედ მაშინ გაცხადდა პირველად წმინდა სამება, ძე ნათელს იღებდა, სულიწმინდა მტრედის სახით ჩანდა, ციდან კი ისმოდა მამის ხმა: "ესე არს ძე ჩემი საყვარელი, რომელ მე სათნო ვიყავ". ამ დღეს მონათლა იოანე ნათლისმცემელმა მდინარე იორდანეში იესო ქრისტე.

ია აბულაშვილი
13.01.2021

საქართველოს მართლმადიდებლური ეკლესიის სიმბოლოს წმინდა ნინოს ჯვარის შესახებ, ქართულ ისტორიულ წყაროებში არაერთი ვერსია არსებობს. ერთ-ერთი ვერსიით, კაბადოკიელ ნინოს ღვთისმშობელმა იერუსალიმში ქრისტიანობის საქადაგებლად ვაზის ნასხლევისაგან დამზადებული ჯვარი გადასცა. მეორე ვერსიით კი მცხეთაში ჩამოსულ წმინდა ნინო, რომელიც 3 წლის განმავლობაში მაყვლოვანში ლოცულობდა თავის თმებით შეუკრავს ჯვარი და სიკვდილის წინ ჯვარი ვაზისა მეფე მირიანს გადასცა.

ია აბულაშვილი
11.01.2021

"მონასტერი ქციის ხრამსა შინა, პირღებულს კლდე გამოკვეთილი დიდითა შენებითა და ყოველთა შემკული, იტყვიან თამარ მეფის ქმნილსა" - ასე აღწერს ვახუშტი ბატონიშვილი პირღებულის სამონასტრო კომპლექს, რომელიც ქვემო ქართლში, თეთრიწყაროს რაიონში კლდეზეა აგებული. სახელწოდებაც აქედან მოდის, რადგან ეს ადგილი ქვაბულებს წარმოადგენს და ბერების სადგომ საკნებად იყო გამოყენებული.


Copyright © 2006-2021 by Resonance ltd. . All rights reserved
×