რეზონანსი
16.04.2021

ჩემი პოზიცია დღეს ზუსტად იგივეა, რაც იყო იმ საღამოს, როდესაც დაიდო დოკუმენტი დანიელსონის მხრიდან. როგორც მაშინ არ ვაწერდი ხელს, ისევე არ ვაწერ ხელს, – ამის შესახებ პარტია „გირჩი – მეტი თავისუფლებისთვის“ ლიდერმა ზურაბ ჯაფარიძემ განაცხადა.

მისივე თქმით, გამოსავალი ხელახალი არჩევნებია და კრიზისი მხოლოდ ამ გზით განიმუხტება.

„პუნქტების ნაწილი არის არაფრის მომტანი, ნაწილი კი უბრალოდ შეუთანხმებელია ოპოზიციისთვის, მიუღებელი იყო. ეს ეხება ორ პუნქტს, ხელახალი არჩევნების და პოლიტპატიმრების, პოლიტიკური დევნის პუნქტს.

შესაბამისად, მას შემდეგ არაფერი შეცვლილა ჩემთვის. მაშინაც გაუგებარი იყო, „ქართული ოცნება“ რატომ არ აწერდა ხელს. როგორც ჩანს, მიხვდნენ, რომ მათთვის მომგებიანი იყო ხელის მოწერა, მაგრამ არ მგონია, რამე შეასრულონ, ეს პიარის ამბავია. გამოსავალი ხელახალი არჩევნებია, ასეთი კრიზისი განიმუხტება ხელახალი არჩევნებით. ვერც კი წარმომიდგენია, ამ დოკუმენტზე ვინმემ ხელი მოაწეროს. პლებისციტი არის, როდესაც გამოდიხარ და ადამიანებს ეკითხები, ამის მაგივრად რაღაცაზე მიბმა არის არასწორი. საელჩოს ჩამოყვანილმა ამერიკელმა ექსპერტებმა, პირდაპირ თქვეს, რომ ამგვარად მიბმა არ შეიძლება, არც ერთ სხვა ცვლადზე მიბმა არ შეიძლება. თუ ამ მიმართულებით მიდიხარ, უნდა ჰკითხო და გაიგო ადამიანების ნება, თუმცა პლებისციტზე უნდა დათანხმებულიყვნენ თუ თანხმდებოდნენ“, – განაცხადა ზურაბ ჯაფარიძემ.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია

Copyright © 2006-2021 by Resonance ltd. . All rights reserved
×

sesionArray ( [s_logi] => rezoni_index )
cookieArray ( )