რეზონანსი
04.05.2021

თბილისის მერის კახა კალაძის განცხადებით, დედაქალაქის ქუჩები მოირეცხება. როგორც მან facebook-ლაივის დროს განაცხადა, სამუშაოები მიმდინარე კვირაში დაიწყება და რამდენიმე დღე გაგრძელდება.

როგორც მერის მოადგილემ, ანდრია ბასიალაიამ განაცხადა, გაზაფხულია, მტვერი ერთ-ერთი სერიოზული პრობლემაა ქალაქში და ეს დასუფთავების სამუშაოებიც სწორედ ამას უკავშირდება.

თბილისის მერის თქმით, საჭიროების შემთხვევაში „თბილსერვის ჯგუფს“ საგანგებო სიტუაციების მართვის სამსახური ტექნიკით დაეხმარება.

"მოგეხსენებათ, ტექნიკით სრულად არ არის ჩვენი სამსახურები აღჭურვილი. ამჟამად საგანგებო სიტუაციების სამსახურის ტექნიკას დავიხმართ, ხოლო მომავლისთვის დასუფთავების ტექნიკის შესაძენად ტენდერია გამოცხადებული და ყველაფერს შევიძენთ", - განაცხადა კალაძემ.  

მისი თქმით, დასუფთავების სამუშაოები გამთენიას ჩატარდება, შესაძლოა კომენდანტის დროსაც, რომ მოქალაქეებს დისკომფორტი არ შეექმნათ.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია

Copyright © 2006-2021 by Resonance ltd. . All rights reserved
×

sesionArray ( [s_logi] => rezoni_index )
cookieArray ( )