რეზონანსი
10.05.2021

ცივილიზებულმა სამყარომ ჩემი სახით შეიძლება, დაიხსნა კრიმინალი ან პოლიტიკოსი, ორივე შემთხვევაში, ხელისუფლებისთვის ვიქნები ძალიან სერიოზული საფრთხე, - ამის შესახებ „ნაციონალური მოძრაობის" თავმჯდომარე ნიკა მელიამ ციხიდან გამოსვლის შემდეგ ჟურნალისტებს მისთვის გადახდილ გირაოს თანხასთან დაკავშირებით განუცხადა.

„მე თვალყურს ვადევნებდი „ქართული ოცნების" წარმომადგენლების, ოლიგარქის მიერ სხვადასხვა თანამდებობაზე დანიშნული დასაქმებული ხალხის კომენტარებს. მე რაც არ უნდა ვთქვა, ამ ადამიანებს საჯარო პოზიციას ვერ შევაცვლევინებ. თუ თვლიან, რომ ჩვენმა პარტნიორებმა თანხა იმიტომ გადაიხადეს, რომ ამით დაადასტურეს ჩემი ბრალეულობა, ამ უსაგნო კამათს განა აზრი აქვს? ორი შედეგია, ან „ქართულ ოცნებაზე" დაყრდნობით თანხა ჩაერიცხა მძიმე კრიმინალს, როგორსაც მე მიწოდებენ, საერთაშორისოდ უკვე აღიარებულ კრიმინალს, რომელიც ალბათ კონკურენციას გაუწევს „ქართული ოცნების" კარზე დასაქმებულ კრიმინალებს და ესეც არ მგონია, მათთვის იყოს სასიამოვნო. ეს ნახევრად ხუმრობით. ან მეორე - ჩაურიცხეს ხელისუფლებას პოლიტიკოსის გამოსასყიდად. ორი გამოსავალია, ან კრიმინალი დაიხსნა ცივილიზებულმა სამყარომ ჩემი სახით, შეიძლება, იერით ვგავდე კიდეც კრიმინალს, არ ვიცი, ან პოლიტიკოსი. ორივე შემთხვევაში, ჩემს მეგობრებთან, კოლეგებთან, საზოგადოების აქტიურ წევრებთან ერთად, ვიქნები ძალიან სერიოზული საფრთხე ამ ხელისუფლებისთვის, ბიძინა ივანიშვილისთვის", - განაცხადა ნიკა მელიამ.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია

Copyright © 2006-2021 by Resonance ltd. . All rights reserved
×