რეზონანსი
14.05.2021

იძალადა თუ არა სკოლის დირექტორმა 13 წლის მოზარდზე? - გარდაბნის რაიონის სოფელ კალინინოში მცხოვრები ბავშვი სკოლის ხელმძღვანელს ფიზიკურ და ფსიქოლოგიურ ზეწოლაში ადანაშაულებს.

არასრულწლოვანი "კურიერთან" ყვება, რომ მსგავსი ფაქტები სისტემატურად ხდება და შეურაცხმყოფელი დამოკიდებულება სკოლის ყოველდღიურობის ნაწილია. როგორც მოზარდი განმარტავს, სკოლის დირექტორი სხვა თანაკლასელებს მისი დაცინვისკენ მოუწოდებდა.

რაც შეეხება მიზეზს, თუ რის გამო დაიწყო კონფლიქტი სკოლაში, 13 წლის მოზარდი აცხადებს, რომ მას მოუწია სკოლის რამდენიმე დღით გაცდენა იმის გამო, რომ ყელი სტკიოდა და ტემპერატურა ჰქონდა და მოზარდის თქმით, სწორედ ეს გახდა მთავარი მიზეზი, რის გამოც სკოლის დირექტორი აგრესიულობით გამოირჩეოდა.

"კლასელებმა დილიდანვე გამაფრთხილეს, რომ დირექტორი შავ დღეს დამაყრიდა. დირექტორმა მათემატიკის გაკვეთილზე გამიყვანა ბავშვების წინ და თავში ჩამარტყა ბეჭდიანი ხელი. ამის შემდეგ წამომაფარა ქუდი და მაიძულა მისი სათვალე გამეკეთებინა, დაიწყო ჩემზე სიცილი და მოუწოდა თანაკლასელებს, რომ დაეცინათ ჩემთვის. თავი ვიგრძენი შეურაცხყოფილად და დავიწყე ტირილი," – განაცხადა მოზარდმა.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია

Copyright © 2006-2021 by Resonance ltd. . All rights reserved
×