რეზონანსი
22.07.2021

ორივეს ვიცნობ, თინა ბოკუჩავასაც და შალვა პაპუაშვილსაც. რომ არა ის კონცერტები, რომელიც სასესიო დარბაზში იდგმევა, ჩვეულებრივ სიტუაციაში, ხომ წარმოუდგენელია, რომ შეიძლება ასე იქცეოდეს, ერთი ან მეორე?! - ანუ, იქ რაღაც უცნაურობა ხდება, დაპირისპირებულ როლებში მყოფთ, უცნაურად ქცევას აიძულებს , - ამის შესახებ პარტია „გირჩის" ერთ-ერთმა ლიდერმა, ვახტანგ მეგრელიშვილმა „პალიტრანიუსის" გადაცემაში, „360 გრადუსი" განაცხადა და ამით, 18 ივლისს, პარლამენტში შს მინისტრის მისვლასა და ოპოზიციის მიერ მოწყობილ პერფორმანსს გამოეხმაურა.

როგორც ვახტანგ მეგრელიშვილმა აღნიშნა, რაც პარლამენტში ხდება, არასერიოზულია.

„ჩემი აზრით, ბევრად უფრო სერიოზული რაღაცები ხდება. ძალადობა, ქალის წინაშე იქნება თუ კაცის, ნებისმიერ შემთხვევაში, დასაგმობია. ერთის მხრივ გასაგებია, რომ დეპუტატის და იქაური პარლამენტარის საქმე არ არის მანდატური ფუნქციის შესრულება, მაგრამ მეორეს მხრივ, რაც ვიდეოში ვნახეთ, ჩვეულებრივი გაიწიე-გამოიწიე იყო.

ორივეს ვიცნობ, თინას და შალვასაც. რომ არა ის კონცერტები, რომელიც სასესიო დარბაზში იდგმევა, ჩვეულებრივ სიტუაციაში, ხომ წარმოუდგენელია, რომ შეიძლება ასე იქცეოდეს, ერთი ან მეორე?! ანუ, იქ რაღაც უცნაურობა ხდება, დაპირისპირებულ როლებში მყოფთ, უცნაურად ქცევას აიძულებს. რაც უფრო სერიოზულობას იძენს, ეთიკის კომისიაზე უნდა გავიდესო, უნდა ვიჩივლოთო, ქალთა წინაშე ძალადობაო, ეს ყველაფერი მგონია არასერიოზული", - თქვა მეგრელიშვილმა.

„გირჩის" ლიდერმა ასევე ისაუბრა ოპოზიციის საერთო კანდიდატად „ერთიანი ნაციონალური მოძრაობის" თავმჯდომარის, ნიკა მელიას შესაძლო დასახელებაზე. მისი თქმით, ამ შემთხვევაში ოპოზიციური სპექტრი წინასწარ წაგებულ თამაშს ითამაშებს.

„ამ თამაშს „ნაციონალურ მოძრაობასთან" ერთად ვთამაშობთ ბოლო 9 წლის განმავლობაში და ჩემი აზრით, ეს თამაში ყველაზე მეტად „ქართულ ოცნებას" აწყობს. მთავარი არის 43%. პირველ ტურში, თუ „ქართული ოცნება" ვერ აიღებს 43%-ს, მაშინ ოპოზიციას მეორე ტურებში, მაჟორიტარულ ნაწილში, შანსი უჩნდება, რადგან სხვა ემოციით მივა ხალხი. „ქართულმა ოცნებამ" პრაქტიკულად ვერ მიიღო ის, რაც მისთვის პროგრამა მინიმუმი იყო. თუ „ნაციონალური მოძრაობის" კანდიდატს დავაყენებთ ერთიან კანდიდატად, შეიძლება ეს არჩევნები სასტიკად წავაგოთ. მინდა ოპოზიციამ წინასწარ წაგებული თამაში არ ითამაშოს", - განაცხადა ვახტანგ მეგრელიშვილმა.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია

Copyright © 2006-2021 by Resonance ltd. . All rights reserved
×