რეზონანსი
23.07.2021

ჩვენი ქვეყნის დამოუკიდებლობის ერთ-ერთი მონაპოვარია თავისუფალი მედია, თავისუფალი ჟურნალისტები,- ამის შესახებ შინაგან საქმეთა მინისტრმა, ვახტანგ გომელაურმა 5 ივლისს ჟურნალისტებზე განხორციელებულ ძალადობაზე საუბრისას, „ღამის კურიერის“ ეთერში განაცხადა.

მინისტრის თქმით, ჟურნალისტებზე ასეთი ძალადობა 90-წლების მიტინგებზეც არ ახსოვს.

„გეთანხმებით, მე ვგმობ ამას, ძალიან მძიმეა. ჩვენი ქვეყნის დამოუკიდებლობის ერთ-ერთი მონაპოვარია თავისუფალი მედია, თავისუფალი ჟურნალისტები. ეს იყო მართლა უპრეცედენტო შემთხვევა. მე თავშივე გავუსვი ხაზი, ასეთი რაღაც მე მართლა არ მახსოვს. 27 წელზე მეტია ძალოვან უწყებაში ვმუშაობ, ასეთი რაღაც არასდროს, არც 90-იანი წლების მიტინგებზე არ მახსოვს, რომ ჟურნალისტებზე ასეთი ძალადობა განეხორციელებინათ. ეს იყო კატასტროფა. ძალიან მძიმე იყო ყველასთვის“, - განაცხადა ვახტანგ გომელაურმა.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია

Copyright © 2006-2021 by Resonance ltd. . All rights reserved
×